تعالو نسأل ونستفسر عن المبالغ والاشخاص الي اشتغلو الحملات الانتخابية لهل دورة بيمن تريدون نبدي ؟ … خل نبدي برئيس الوزراء
١- حيدر العبادي
المشكلة العبادي عندة اكثر من راعي للحملة وكلهم مستثمرين (شي مقابل شي) كلش واضح المعنى ، استثمارات من الحكومة مقابل حملات تجميل للحكومة ولرئيس الوزراء ومننسة ابرز الشركات الي اشتغلت للعبادي، الشركة البريطانية والشركة اللبنانية وشركة امريكية وهي نفسها الي لزمت حملة اوباما تخيلو وياية المبالغ المصروفة، اما ابرز العاملين بالحملة همة عبد الصمد رحمن سلطان الرجال دكتور وفاهم منكول عليه شي.
٢- حملة انه زمن العراق (الفتح) هل حملة جان هواي ناس متاملين بيها ومن اهم هاي الناس الشباب بالاعلام الحربي الي اغلبهم محترفين بس شنو صار التف عليهم السيد هادي العامري وانطة الحملة مالتة لشركة لبنانية وهي الي اشتغلت وكلللها بالتووومان مو بس هاي اما الي طبل لهل قائمه هو وجه معروف (وجيه عباس) والملقب عمو صباح الي يعجز اللسان عن وصف سقوطه ومننسة بالاضافة لهاي استعانو بمستشاريين من شركة ايرانية وضمو سبعة مستشارين الهم وعشرات الفنيين.
٣- اما (احنة كدها) حملة عمار الحكيم مع الاسف صرف وبذخ باسراف وحقق نتائج غير مرضية واهم العناصر الفعالة بحملته والي سوة برنامجها ب500 الف دولار فقط في بغداد هو احمد الساعدي مدير قناة الفرات وهو نفسة مدير اعلام مكتب عمار الحكيم ، سخر الكادر مال مكتب ومال قناة كلة للتجميل بس ما فاد … الضاهر القوارير غدرتهم بالاضافة لمحاولة ابن عمار الحكيم التدخل بالحملة بس لكة سد يمنعه من التدخل لان اعتقدو راح يسبب خراب للحملة بسبب عدم فهمه.
٤- اما السيد رئيس مجلس النواب سليم الجبوري فما احجيلكم على الصرف تخيلو قاسم السلطان ومحمد عبد الجبار وحدهم 300 الف دولار الرجال من ديالى واهلة بديالى ،وحب يدخل بلعبة حظ عبالة هي بالصرف ، اما ابرز الاشخاص الي اشتغلو بحملتة الاعلامية السيد عبد الملك وهو مدير مكتبة الاعلامي وبعض المستشاريين الي ويا بالبرلمان استغلهم في عمله لكن مااكو فايدة.
٥- اما اياد علاوي فاحجيلكم عليه ، باخر ايام قبل الانتخابات كام يوزع فلوس فجاة منين هل فلوس محد يدري مع انو هو معروف عليه ميطي فلوس ،وفجاة طلع باغنية وية نور الزين منو جان يتخيل علاوي يدفع ٢٠٠ الف دولار لنور الزين لا ومننسة ابرز من قام بحملتة شخص اسمة علي ابو كلل بالاضافة لبنتة سارة اوووردوون وظهر بحملتة كمية كبيرة من الغباء والسبب هل ثنين مما سبب فشل الحملة ، لكن هم مفشلو بكد الحكمة لان الناس جانت تعتبر اياد علاوي علماني واحسن من الاسلاميين ميدرون المخفي.
شتكولون باجر نحجي قصة منو ؟