هاي المرة راح احجي جلفي بحجايات ما تحمل مقدمات بالحجي الفصيح لان ذوله اظاهر ما يفتهمون شنو النقد والرفض لسياستهم الي حركت الوطن من راسه اساسه خلت الشمات من العربان يحجون على العراقيين الي هم بالاصل تاج على رووس العدى والسبب وانا اكوله بصراحة لو ذوله اليحكمون الوطن عدهم ذرة خجل على كصصهم السودة جان استحوا وكعدوا ببيوتهم يغسلون مواعيين لو يسافرون يدورونبره ويعيشون ويه ناس على شاكلتهماكول مايستحون موكافي ما يخجلون مو كافي واريد اسأل شنو شرف الوادم غير جلمة الحك والشرف وحماية الوطن والرجولة الي بيه غيرة على الكاع والدفاع عن الفقرا والجهال والشيوخ لكن هذا وين نشوفه بعد ثلطعش سنه من كعدتهم شيوخ براس الناس التعبانةولكم ياخلگ منيين اجيتوا ويادين عدگم وياگرامة تحجون بيه ويا هيبة وحرص عدگمولگم العراق صار جم عراق سويتو شيعي وكردي وسني وعشاير والف بيرغ واگثر صار عدنهولگم البدو صارو اوادم الي انسميهم اهل الجرابيع اشو عدهم ابراج ومطارات ومواني وفنادق ومستشفيات ما موجود منها حتى في اوروباواحنه نشرب ماي مجاري ونستورد حتى الگراث من الدول واليوم من طلعت الوادم الاحرار عليكم حزنتوا ونصبتوا عزا على روسكم وكلتوا ضيعتوا هيبتنه من طاح حض هاي الهيبة الي هي صدك مثل هيبة فحل التوث لا تهش ولاتنش بس اصبروا انشالله هاي بدايته وياكم والعباس ينصرنه عليكم
