..” هذه” ال “شوتة” متفيد ..اقلعها ..هذا “كير الطرح” أشمره برّة لأن عبارة عن “احتيال من الشركة” لرفع ثمنها ..”الستيرن” حديث ,ميرهم ويّه “الكلوب”.. شيله.. ينرادلك باب غير هاذي كي ترهم ويّه الطوّاطه..

والخلاصة ,”شوفلك” شركة “تستثمر” هاي السيّارة لأن ما أستطيع السيطرة عليها ..و”الحجي بيني وبينك” لا تكول لأي مخلوق “هذه الاعتراف” حتّى ما يكولون هذه قشمرنه وطلع كلشي ما يعرف بسّ يفتهم بالفرّارات وبالخبز اليابس ,و ,بالمعفّن “وراح لمّ الّلمايم علينه من برّه” كي يستلم “الورشة” ,دير بالك ؟..وما أوصّيك ..لا تعيدلي بعد هاي ,هاي القوانة مال تضربلي مثل “بالحكومة” واتشبّهني بيهم ,سمعتك أكثر من مرّة تقول: الكهرباء منكدر نديرهه نسلمهه استثمار ونوزع أرباحها بيناتنه ونفرح الشعب ,حتّى شهادة الجنسية والاحوال والجوازات ومراقبة الحدود راح تصير استثمار ,”استثمرني واستثمرك خخخخخ” ..حدايق بغداد العامّة اللي هي كانت ببلاش طيلة قرون ,بصراحة محّد يدبّرهه من ربعنه أو يعتني بها “الحجي بيناتنه إحنه نتعمّد خخخخخ”! لازم تستثمر وبفلوس المواطنين حتّى الخيسة راح نستثمرها لأن صارت بكمّيّات تجاريّة “خخخخخ” همّه الشعب أبطال الصمود بوجه أغلى أسعار مواد استهلاكيّة وغذائيّة ناريّه في العالم بضعف أسعار أميركا نفسها مع شحّة دخل الفرد لدينا أو انعدامه تقريبًا “بس شويّة رشوش من خلالات العبد” ,فيستطيعون يصمدون ,بشكم الف دينار للنفر لدخول الحديقة ,مو هواي ,ولا تكللي وين استثمار الكهرباء ؟ تره راح اسمعك حجي يزعّل لأن يبين اتغشّم روحك ..ألا تقل لي منذ التحرير منذ 13 سنة ولغاية الساعة لماذا “المولّدات” لم تُطوى صفحتها في عراق ديمقراطي مزدهر يضارع اليابان وجمهوريّة مالك ومالي ؟ لماذا لم تتصلّح الكهرباء بدون مماطلة وهدر 36 مليار دولار ؟ لمن تذهب أموال حصيلة آلاف المولّدات بالربح اليومي من الأرباح بالملايين ؟ ..الطيّارات ؟ الطيّارات تعود لأعرق شركة خطوط في المنطقة أصبحت “فاسدة” بفضل الدهاء “الظريفي” حححههه, قشمروا للشعب جابوا واحد بس يفتهم بالرشّاشات وباللحيم وسوّوله شكم لقاء تلفزيوني بقنواتنا اللي هيّه من أموال أخوتنه الشعب وبلّش “بالشيلمان” كل شيلمانه “أصلد” من أختها يقول للشعب: “أنا مهندس, وتشريبچي ,وأفتهم بالإعلام ,أسمع سينما وأحب أفلام فلاش جوردن, وأشوف سمفونيات شوبان بعد كل صلاة سجّاديّة ,وشاعر ..ونوبات أدندن ,وألعب ورق  وأطگطگ دمبلصات ..بيضوا وجهه وسلموه “الخطوط” كي “نلعب بكيفنه لعب” ,من جوّه ليجوّة كسّروا سمعة الخطوط أمام منظّمة الطيران العالميّة كي يلجأ “الشعب” لاستثمارها برضاه ..ولو راح تلعب نفسه من الأسعار بس هوّه اتعوّد عله لعبان النفس, هاك شوف الزبالة منتشرة بكل مكان وصارت المطاعم مراعي للغنم والدجاج والهوش بنص بغداد وساكت هصصصص ولا نَفَس ..مو هوّه اللي انتخبنا ثلاث مرّات وكلّ انتخاب يحلف بالدبّابة وبالمدفع ويقول: “سوف لن انتخبهم بالجايات” ويبدأ بالسيلفي يطكّ صور يعض اصابع يديه ورجليه ويمخط “عالحايط” ويتفّل وينتّف شعر راسه وشعر خشمة وشعر أبطة وبشِعِرته مثل المخبّل ؟ ويصيّح أويييلي اتندّمت وحق الكرّار أبو فاضل وحق موسى بن جعفر وحقّ الحسين المايعرف الذلّه وحق الشهيدة ليلى الكبل مالت الشهيد قيس وحقّ أم البنين وحقّ حلّالة المشاكل وحق وحق وحق “حييييييييل اشگد أعيادك يا وطني” ,وأحنه نستمرّ بالفساد ونفسد أكثر من الفساد الّذي قبله ولدينا كتّاب جاهزون حسينيّون أصلاء! هيجي شعب دوس عليه ولا تبالي ,يتحجّج ,يقول صدّام كان يحرمنا حقّ التظاهر والشتم العلني “ههههه” اشكد ما يفتهم صدّام غبي وقشمر ..هسّه انطيناهم حقّ التظاهر شرط “عالخفيف” واللي “يتعدّه حدوده” موجودة الميليشيّات مستعدّين يتنكرون بدون لباس مو بس “مودة” ,ومستعدّين بلا لحيه ,”ووالله لا ألعن أبو اللحية على هذا الخير الطافح اللي إحنه بي من وره هالشعب اللي نخطف من بينهم واحد بس فقط لا غير تشوف كلهم يعزلون ويتطشّرون من التظاهر”, واللي يشتم “أكو مداهمات ليليّة” بحجّة داعش بحجّة الارهاب ,ولو الشتيمة لا تقدّم ولا تأخّر ,هاك شوف ملكة بريطانيا لحدّ الآن أكثر من تريليون ضرب تريليون شتيمة ولا صار بيهه شي بالعكس تقوّت ,مثلنه نتقوّى وره كل كارثة “خخخخخ” .. ,قابل همّه شعب اليونان اللي يهز الكاع؟؟؟ حوّلنا التنظيف إلى شركة استثمار ومن هذاك اليوم “انلصمت” حلوق الشعب ..يا شعب ؟ هه.. ؛ چعب.. “دييييطُگلنه ثنين من يمّك وكاسر” ..”وينج”؟؟؟…دتعاي عاد بتّ ال..؛..ما قنعتيهه ليهسّه ؟..دتعاي عاد ويروحلج فدوه شعب هيهات منّه الذلّه “خخخهههه” ..يللّه اتحزمي ب “الوصله” خل نسكر ونخدر “ونتونّس” بأموال هالشعب العظيم.. تاج عالراس.. من “أنـ…لهيجي شعب ..خخخخخ”..