صدام يدلي بشهادة للتاريخ

ولو كان هذا الحديث متأخرا فليسمع البعض الذي لا يزال حاقدا على ذلك الزعيم ويشتمه ويمجد الحقبة الملكية ممن يدعون الوطنية والقومية
نص التسجيل :
يعني والله دكة العراقيين ويه عبد الكريم قاسم فلا يسويه المعيدي .. تدري ليش ؟ لان عبد الكريم قاسم قائد الثورة فعلا مو زورا .. فعلا قائد مسوي ثورة على نظام ملكي وخلص العراق من احلاف وخلصهم من الربط بالاسترليني وخلصهم وخلصهم وخلصهم وخلصهم وفجأة هو يطلع يخطب يهتفون بأسم عبد الناصر .. يعني احنا الان صرنا نعرف ماذا تعني اشياء ما كنا نعرفها .. شلون واحد سوئ كل هاي ويوكف بالشرفه يحييكم وانتم تهتفون بأسم عبد الناصر .. يعني ما تخجلون ؟ صحيح عبد الناصر قومي بس خوما سوه اكثر من عبد الكريم قاسم ؟ هسه عبد الكريم اول شيء سواه سقط نظام حكم وخلصنا كعراقيين من مرحلة كارثة .. طيب خل ننتظر .. بعد الخطوات الاخرئ حتى نقارنه ويه عبد الناصر نشوف هو لو عبد الناصر من حيث الثورة اثنيناتهم سوو ثورة من حيث الثورة بالعراق اصعب من الثورة في مصر .. زين خل ينتظر النوب وراها نسوي جدول نكول يابه هنا عبد الناصر .. وهنا عبد الكريم قاسم .. ما انطينا فرصة .. كفرناه بدينه … وراها عاد كحلنا نوب الامور حطينا عبد السلام عارف قبال عبد الكريم قاسم وهو يعرفه طرطور لعبد السلام وعبد الكريم اثكل من عبد السلام شما يكون .. اني ماشايف الرجل .. يعني اني ما شفت وجهو بذيج اللحظة قبل ما شايفه بس بالتلفزيون .. يعني لا اكو نضج ,, نضج ماكو ونوبات يعني انصاف شويه لما ماكان نضج يقل الداعين للانصاف يقل الداعين للانصاف والتريث .. الحزب كان اقل مما يسمئ شباب يعني الحقيقة الحزب عام 1958 ماعدا كم واحد بعثي الدكتور سعدون حمادي وفيصل حبيب الخيزران وكم واحد فوق الثلاثين جهال يعني 24 -22 سنه شباب .. صار دخول المرحلة ما كان حتى عبد الناصر منصف ويه الرجل عبد الكريم قاسم .. يعني كان يدفع الامور هالدفعة هذه ؟ يتعامل وياه كصديق .. زميل .. الخ .. وشوف عبد الناصر فيه صفات ايجابيه كثرة عبد الكريم قاسم بس عبد الناصر اناني وحقود .. قصدي احنا الان ناس بعمرنا وبوضعنا ندحج على المرحلة والمرحلة مدا ندحج عليها على بعد 1400 سنه مرحلة احنه عشناها واشتغلنا ضدها يعني احنه اشتغلنا ضد الرجل يعني الى حد اطلاق الرصاص عليه بس احنه خوما نحقد عليه …………… انتهي التسجيل
التسجيل الصوتي
https://www.youtube.com/watch?v=9TWTnBQJFwA