تربينا وتعودنا ان الي تولد ولد تكوم بحيل.. تربينا وتعودنا ان الي تولد ولد تكوم على حيلها وتصيح اني ام الولد هذا البطل حيكون.. واليوم الي تولد ولد تصيح انكلب حايط على جتفي خاف ابني اربي للحد مصيره شلون.. اخاف ابني واربيه وللحد مصيره شلون.. ياجمال طوله وهيبته يانيال امه من ولدته.. شلون نطاج كلبج يايوم! تدمه عينج عليه اليوم وانت تشوفيه بكبره مدفون شلون! هم هلج كلبج دفنيه اليوم بايدج وترمين المي على تربته وتكولين تهون!! اليامتى اصيح باعلى صوتي واعيط يايوم.. اليامتى العراق يرتاح ولده وينامون بسلام يكون؟ من حرب لحرب لحصار بقينا ندفن ونكول تهون .. بس معرفنا الضاميلنه بعد اكثر ودوم! مرت طائفية وانكوينا بنارها وهسه النار تجينا من الخضار بس شلون؟!دوم عرفنا الخضار يورد ويثمر شو بالعراق الخضار يثمر شوك برووس زقوم!!جحيم هي تلف ولدنا بالكبور وبعد متشوفهم عيونه بعد يوم!دفنوه بترابه وجيبولي لفحة منه شتمه وانام على عطره بلكد النوم يلكاله طريق لعيني يايوم.نذلينا من بعدك ياحمل بيتي ودمعة عيني ريتني بمكانك اليوم.. ريتني انام بصفك بس هل الايتام تركتهم وراك منو يربيهم يايوم.. كطعوا حيلي من اشوفهم فتكرك واكول ريتني ماولدت غلام بيوم.. لان بالعراق مصيره يندفن واعيش بضوم.
