(سوينة تحالف وجيبنه بيه وين الزايحتة الكاع وسويناه يريد انقاذ وطن وعيشنه أيام اجاك الذيب اجاك الواوي ويومية جيب الوفد وودي الوفد وجيب المبادرة ورجع المبادرة وروح للأكراد وارجعه للسنة ولا شرقية ولا غربية وتاليهه (رد بالس عزة بجفيته) والنوب السالفة الجبيرة والعالم متانيه نسوي الهور مرك والبردي خواشيك اعلنا انسحابنا وانسحاب المكاريد أعضاء الكتلة ويانة وكلنا يا الله راح تهدأ الامور وما نحس الا وجرب ولنة بالخضراء احنة وهوايشنة والوادم وما شايفة فلافل النوب تاكل لحم غزلان وفسيفس وظلت الوادم متختخة وما نحس والا وربعنة المايشافين الدوش يسبحون بمسبح العينة رئيس الوزراء وكلنة يا الله برد الشرد وراح الوادم ترجع لهلها وما نحس الا الفزدة الجبيرة وصاحبنة ينسحب ويسد الموبايلات والصفحات وصارت كظ اخوك لا يتيه ومانحس الا ولد الخايبة تحت النيران وبالعشرات بين شهيد وجريح ولوما أبو محمد رضا يتلاحكنة جا هسة صرنا مثل مسلمي البورما وكلنا دفع الله ما كان اعظم والمنهوب نص ما منهوب ولن صاحبنة يحرك الوادم فوك ماحركتهم النيران ولن يوديهم لنار جهنم والنوب تعال واحرف رويس السالفة وكول ترة هيج يقصد موهيج والنوب رجعنة لزوار الحسين الكاتلهم الظيم وجايين يزورون وسويناهم كل واحد شايل قاذفة وجاي يحارب وصارت فضيحتنا ما تسولف وصرنة مثل ربع المتوكل وتعال شلون نعدل السالفة والنوب اليوم الطامة الجبيرة وهي سالفة المحكمة الاتحادية من حكمت ان البرلمان ما ينحل ولازم ينعقد ويشكل حكومة وجنك يبو زيد ماغزيت وراحت ولدنا بولة بهورة ما ندري شحصلنه ).
