كربلا وضعها هسه يخرب من الضحك، لأن اللي يديرون الامور بيها قمة في الكوميديا!
شنو هاي المحافظه الحلوه واللذيذه، والمتروسه ناس طيبين، وطسات، وتراب، ومسؤولين حلوين !
تريد ترتاح نفسيا تعال زور كربلا، تريد تتعلم الكرم تعال تعلمه بكربلا، تريد كباب زين تعال لكربلا، تريد دهينه زينه تعال لكربلا، تريد شربت زبيب درجه يك تعال لكربلا،
تريد تختبر كفاءة صدر سيارتك أخذلك فره بشوارع أحياء كربلا، تريد تشوف تبليط جديد بيه طسات مرلنا لكربلا، تريد تشوف مجسرات فاشله هندسيا تعال لكربلا، تريد تشوف مقاول هو يكتب التندر مر علينا وتدلل !
تريد تشوف مجسر يتعارك المسؤولين ياهو اللي يفتتحه تعال لكربلا.
تعال لكربلا وشوف ملايين الدولارات تهدر على مشاريع فاشله وغير مكتمله، محافظه محفوره من الطول للطول، مدارس تركها المقاولين على النص وشردوا، انفاق بدون مجاري مناسبه، تنتظر المطر لتغرق،
مجسرات أين ما وليت وجهك، وطسات!
في أمان الله