هل يوجد في بلد مشاكل بقدر التي تحصل في العراق ؟ هل يوجد مسلسل مشابه لهذا المسلسل الذي يجري علينا في العراق ؟ هل يوجد سراق منظمين مثل سياسيين العراق ؟ هل تصدقون ان بلد الحضارات بلاد مابين النهرين بلاد الانبياء تعاني الامرين ؟ لااريد ان اخوض بمشاكل العراق منذ 2003 وماتلاها .
اليوم علينا بما يجري على الساحة العراقية من انقطاع ماء الشرب وانقطاع الكهرباء وانعدام الامن وانقطاع الكهرباء بل انهيار المنظومة الكهربائية بالكامل !
البلد مشتعل نار وسيادة رئيس الوزراء الكاظمي يتجول سائحا في بلجيكا وايطاليا بحجة تطوير العلاقات وتأسيس شراكة اقتصادية وعسكرية وسياحية ودينية !!
نلطم نبجي نضحك ننتقد ولاينفع وكأنه لاتوجد هناك جهة في الدولة تسمع أو تقرأ !
كلما احاول ترك الكتابة أجد نفسي متورطا بكتابة مقال نتيجة الضغط من قبل الاصدقاء والمتابعين لتقويم حالة أو طرح قضية أمام الرأي العام لكي تأخذ مجراها . والمشكلة أصبح الساسة في العراق نوع خاص لايوجد شبيه له في دول العالم .
هذا النوع الخاص صم بكم فهم لايفقهون . وهذا ابسط شيء لو تم التصحيح .
مها الدوري بكل قباحة تجلس تناظر غالب الشاهبندر بدون حياء وطولة لسان وبدون مصادر او وثائق تتهم السيد الشاهبندر بتهم ماانزل الله بها من سلطان .
لو كانت مها الدوري تجلس بإتزان ووقار وبدون ان تلفظ كلمات سوقية كان ممكن ان تخرج المناظرة بإطار حسن ويستفيد منها المشاهدون ولكن كان هذا من حسن حظ الاستاذ الشاهبندر حيث تغلب عليها بكل الصفات واسقطها من شاهق .
اليوم خالد الاسدي مثال على ذلك يقول هناك شركة خاصة تتدخل بتعيين الوزير والمسؤول !!
هل سأل هنا أحدكم من هو المسؤول عن هذا الكلام ؟ هل سأل القضاة القيادي في حزب الدعوة عن هذه الشركة ومن يمولها ومن يقف خلفها ؟
وهنا اسأل ايضا بالله عليكم هل يدار البلد بهذي الطريقة ؟ هل يعقل هذا ؟
مدير عام الكهرباء الوطنية يقول تم صرف 90 مليار دولار فقط على وزارة الكهرباء !!
هذا الانفاق وبلا انتاج يمثل فضيحة كبرى لساسة العراق وجميع البرلمانيين .
والمشكلة لايوجد من يسأل من القضاء وغيره ويتابع من هي هذه الشركة التي تعين وزير وتفصل اخر ؟ وأين ذهبت 90 مليار دولار كان بالامكان صناعة منظومة كهربائية تغذي الوطن العربي كله من المحيط الى الخليج والشعب نايم وخدران !
ليس هذا وحسب بعد ان استقال وزير الكهرباء ماجد حنتوش بـ ( كصكوصة ) سيد مقتدى التي اجبر عليها خرج علينا اليوم السيد الوزير بـ ( رسالة ) عجيبة غريبة !
الرسالة لحد الان لانعرف صدقها من كذبها فقط نعرف ان الوزير تلقى تهديدا بأن ينفي هذه الرسالة في الاعلام بينما سيد مقتدى أصر على التحقيق فيها فورا !!!
تقول رسالة السيد وزير الكهرباء المستقيل والموجهة الى السيد مقتدى :
ليس ذنبنا الاخفاق والفساد في وزارة الكهرباء ولم نطمح يوما لمنصب الوزير وكنا على ابواب التقاعد … من اختارني وزيرا هم حاشيتك والمقربين منك بعد الاتفاق مع اثنين من كبار المقاولين في وزارة الكهرباء .
منذ اليوم الاول لاستلامنا المسؤلية كانت تدخلات مكتبكم المتمثله بالسيد عباس الكوفي وبعلمكم شخصيا لم تترك لنا خيارا في ادارة الوزارة سواء في عقودها او في امورها الادارية حتى اصبح يمارس دور الوزير خلف الستار ويبرم العقود وينصب المدراء وحاولوا جاهدين تحجيم دوره وتقليل الخراب والدمار الذي تسبب به الذي وصل الى مرحلة تنصيب مسرفين على كل شركات الوزارة واصبح يدير اجتماعات دورية في مقره في الكاظمية …
اقول قولي هذا وانا اعلم جيدا بما سوف ينتج عنه من عواقب وخيمه لكني سوف اكون حريصا على عدم ذكر الاسماء فقط ليعلم الرأي العام كيف تدار الامور ومن هو السبب الحقيقي بدمار هذا الشعب الذي عانى الويلات
طول السنوات السابقه … صحيح انني لا انتمي الى تياركم الشريف ولكني لم يترك لي خيار قيادة هذي الوزارة وهذا ما دفعني الى تقديم استقاله سابقا ومحاولاتي للتقاعد وترك المنصب الجميع يشهد بها لكنها فشلت بسبب تياركم وحاشيتكم التي كان هدفها الاول والاخير ابرام اكبر عدد من العقود الفاسده
هل تعلم سيدنا اننا لم نكن نملك صلاحية تحريك اي مدير شركه من شركات الوزارة ولا ابرام اي عقد فيها وكان الوزير الفعلي هو منسوبكم عباس الكوفي الذي جند العشرات من تياركم مثل رائد عبد الحسين وحسين عبوه واسماء لم ينزل الله بها من سلطان..
ان سبب الفشل الحقيقي في وزارة الكهرباء هو حاشيتكم والمقربين ونوابك في البرلمان مثل امجد العقابي . ( الى هنا تنهتي رسالة السيد الوزير ) .
السؤال اذا كان حال البلد هذا كيف سوف نبني العراق ؟
#احمد_العباسي
مااتشفه بس خليني اكول
انتي من يابشر من يااصول
مااصدك هذا تفكيرج صحيح
لأن ماشفت شي معقول
مو كافي مدح ولواكه وصخام
شوكت تحترمون العقول
الشعب مو جاهل ولاساذج ابد
كافي على منو هذي الفصول
وبحجة الاصلاح خربتو العراق
انطيني واحد منكم ماعنده مول
الشعب واعي ويريد الخلاص
وللعلم هسه كام يدور حلول
تدريعنه من التجعبن والنفخ
وملينه من حجي الخجول
فساد سنين وبوك مليارات
وتنعاد علينه نفس الشكول
وكل من يدعي الاصلاح
صار ليل نهار يدك طبول
المدح بس لله والكمال
مو للشخص هذا القبول
مو كافي تعبدون الاصنام
منو بِيكم هسه يطلِع الكول
منو بيكم حظ عنده وبخت
ومنو النزيه ومابيه لول
منو بيكم بنى للبلد ابراج
انطوني اسم مسؤول
زبايل شالها من الباب
حتى احجي بيه واكول
منو بيكم بنى بغداد
منو بيكم عالج المشلول
منو بيكم ساعد العراقيين
وحط فوك الجرح ديتول
منو بيكم مو فاسد وشفاط
منو بيكم مالعب بينه جول
الصبح لحيه عنده ودين
وتالي الليل يشرب كحول
شحجي هسه وشرد اكول
بس اتمنه الباكنه مسحول