تحية طيبة الى السيدة هايده العامري اني شوان ابن حمديه الجاف الي نزلتي عليها مقال قبل كم يوم حبيت اجاوبج و ابينلج بعض النقاط علمود تعرفين الحقيقة و عله فكره انتي الوحيدة الي رديت عليج لانه كل الي جانو يكتبون اسماء وهمية و جانو يكتبون بس على حمدية الجاف و وراها يختفون بس انتي من اطلاعت على كتاباتج شفت انو انتي صحيح كاتبه صحفيه ويهمج مصلحت البلد فا احب ابينلج كم نقطه بكلامج و اني ارجو انو اتحكمين عقلج مو تسمعين كلام الانترنت
1- وهنا بدأت بالعمل المصرفي خارج القوانين والانظمة فكانت معروفة بأنها تتقاضى الرشوة وتسهل عمل المقاصات في الصكوك وغيرها من الامور وقد عوقبت مرة بسبب قيامها بتسليم مبلغ ضخم لزبون دون أن يكون الشيك نازلا في حسابه ولكنها كانت مسنودة من السيد الخيون حينذاك ……………………………………. اتحداج انو ولدتي اتعاقبت في مصرف الرافدين ابد اله مره وحدة اتعاركت ويه لبيب سليمان المجيد لانه اتجاوز على موضفة في المصرف واتعاقبت والدتي من كانت مديرة مصرف المحيط لتصحيح المعلومة وليس الحارثية و تم نقلها الى مديرة مصرف الرافدين فرع حي العربي .
2- اتت بالقوات الاميركية واخذت البناية بالقوة علما ان فرع المصرف كان مستغلا من قبل ديوان الرئاسة ودوائره كحسابات مصرفية وكذلك الحسابات الشخصية الخاصة لعائلة صدام حسين وعندما استلمت السيدة حمدية المصرف وجدت مفاجئة كبيرة فقد وجدت حائطا مبنيا في مكان المفروض انه يؤدي الى الخزينة الارضية وبحكم خبرتها عرفت ان الموضوع غير طبيعي فطلبت من القوات الاميركية تهديم الحائط وحينها كانت المفاجأة الكبرى أذ تم العثور على كافة مقتنيات العائلة من الذهب وكافة الساعات الموجودة في ذمة ديوان الرئاسة …. ………………………………………………..مصرف الرافدين فرع حي العربي والدتي كانت مديرة المصرف لحد قبل حرب 2003 بستة اشهر اجوي ديوان الرئاسة و كالو الوالدتي تسوون اخلاء الى المصرف لانه جانو رايديه من المواقع البديلة و والدتي استلمت فرع الحارثية و وره الحرب فرع الحارثيه البناية كانت ايجار وصاحب الملاك ما قبل ينطيها فا رجعو على فرع حي العربي الي هوه بالاصل ملاك مصرف الرافدين واعتقد الشي زين الي سوته امي رجعت البنايه مال مصرف
3- أخذت السيدة حمدية ماتود أخذه من عملات ولكن بطريقة ماخف وزنه وغلا ثمنه وجاء زوجها أخذ زوجته والاشياء التي معها بسيارته الاولدز موبيل حينها وانا عندما أشير لنوع السيارة البيضاء لكي تتاكد السيدة حمدية بأن معلوماتي دقيقة وموثقة جدا ومرت الايام القلائل وتم فتح الفرع وبدأت السيدة حمدية بمزاولة نشاطها المصرفي…………………………….. هل من المعقول الامريكان موجودين بالمصرف و يعوفون والدتي تاخذ الذهب مال صدام !!!! كلام غير منطقي وانتي اتكلين اجه عليها بسياره اولدز بيضه لمعلوماتج الي كان عدنه سياره بي ام دبليو زيتوني ما جان عدنه اولدز و الاولدز البيضه الي كاعد اتكولين عليها و الشخص الي كتب على امي هذا الكلام اخر مره شاف والدتي سنة 1999 لانه من هذاك الوكت بعنه الاولدز
4- ستبدال العملة القديمة بالجديدة وخصص فرع السيدة حمدية ضمن الفروع التي يتم فيها أستبدال العملة وهنا بدأت الجولة الجديدة من النهب فقد كانت تضع الكثير من العملة المزورة وتستبدلها بالصحيحة وأقصد الصحيحة العملة الجديدة التي تتداول الان وكان زوجها يودع الاموال في حسابه وحسابات عدد من أصدقائه الذين فتحوا حسابات في نفس الفرع ومنهم جبار الصراف المشهور وغيره من الاسماء المعروفة حينها في عالم الصيرفة وظلت السيدة حمدية في نشاطها هذا وهو يعتبر نشاط عادي بالنسبة للفساد الذي عم البلاد حينها وعندما أصبح السيد الخيون مديرا عاما لمصرف الرافدين تم أسنادها بقوة لكونها من الرفاق القدامى له ……………………………………….. انتي تكدرين تتاكدين من كل المعلومات الي كاعد اكتبها اني و كلش سهل التاكد اتروحين الى حي المنصور وهناك صاير مصرف الحي العربي بصف تجهيزات كرم و تسالين على والدتي والى هسه الموضفين الي جانو وياها موجودين ومال تبديل العملة الي يعلمج جان اكو عصابة رادت اتزور افلوس وامي و القوات الامريكية سولهم كمين بالمصرف وكلتلهم تعالو و قبضو عليهم الامريكان وراها اجوي علينه للبيت و رادو كعدت فصل و عشاير و هددونه يكلولها الى ولدتي انتي عندج جهال متخافين عليهم فا سافرنه سنة 2004 شهر ال1 الى القاهرة و سئلي هاي المعلومة في مصرف الرافدين
5- بخصوص السيد كريم الشمري صحيح السيد كريم الشمري عنده قرض من المصرف بس هذا القرض من زمن حسين الازري و تكدرين تتاكدين من ديوان الرقابة المالية و النزاهة لانه خمسة الف مره اجوي على اضبارة كريم الشمري و جيكوها و اتاكدو منها لانه يوميه رايحلهم حجي على حمدية الجاف واسالي هم القرض مال كريم الشمري كله ضمانات عقاريه و قرض صحيح هوه وكل القروض الي بالمصرف واعتقد هيه شغلة المصرف ينطي قروض بضمانات الى اي شخص كان
6- بخصوص البيت الي مأجري من كريم الشمري صحيح اماجرين بيت وهاي الغلطه الوحيده الي وكعت بيها والدتي لانه بيتنه في السيدية وتعرفين السيديه مو مال واحد يكعد هناك لانه احنه اصلاً قبل ما اتصير والدتي بال تبي اي بشهرين حطولنه عبوة فا الغلاطه انو اجرنه بيت بس للعلم الاثاث مالتنه مو من الدوله و لمعلوماتج و تكدرين تتاكدين و عندج اكيد جماعة من المصرف انو نص الايجار من والدتي و النص من الدولة
7- بخصوص السيد انور عبد اللطيف المعموري او المنذري ميهمني اني المهم ، انور شريك السيد سرتيب فقط و السيد انور ما عنده اي قرض بالمصرف ولا اي معاملة قرض و لكن السيد سرتيب عنده قرض و كذلك من زمن حسين الازري و انتي اتكولين منطيتهم كومه قروض زين ليش الى هسه الموال مال حارثية ما تقبل تنطيهم ؟؟؟؟؟؟ وكتلو نفسهم حته وسطو جهات سياسة و اذا اتريدين تتاكدين من كلامي انو ما انطتهم قرض على المول و همه كاتلين نفسهم تابعي حلقة برنامج تحت خطين الي طلع على العراقية في رمضان و كان من ضمن الضيوف والدتي و بنص البرنامج خابر واحد من هذولة على المقدم و المقدم كال بس اسمحولي ارد على التلفون و وراها سال والدتي انتي ليش متنطين قرض الى مول الحارثية و ردت والدتي و كالت السبب انو الارض استثمار و كالت بعد اني ما انطيتهم شي و الانترنيت كومه حجو من انطيهم شلون و انشاء الله الكالج الحلقة على اليوتيوب وادزلج ياها علمود تتاكدين
8-افرت يوم السادس والعشرين من نيسان العام الماضي ومعها ابنها شوان وزوجته الى تركيا ومعها في نفس الطائرة السيد انور عبد اللطيف وبامكان من ينكر ذلك اللجوء الى سجلات مطار بغداد ليتأكد من ذلك ومن أسماء المسافرين ووصلت الى أسطنبول وتم نزولها في جناحين في فندق كراند حياة جناح خاص لها وجناح لابنها شوان وزوجته وطبعا السيد أنور نزل في نفس الفندق والمواطن العراقي الطيب يقول قد أخذت أبنها وزوجته لغرض العلاج أو للسياحة ولكن الحقيقة المعروفة أنها أخذت أبنها لغرض فتح حساب مصرفي له في مصرف بريطاني وساكتبه بالعربية ليقرأه الجميع أج أس بي سي وبقيت هناك أربعة أيام وعادت الى العراق محروسة بعين الباري عز وجل…………………………………………….شوفي هذا الكلام جان الي يسولف بيه مضر الدملوجي و مع الاسف انتي استندتي على الانترنيت بمعلوماتج ،، اني سافرت اني و والدتي الى تركيا و جان ويانه بعد اختي و زوجها بس لا كعدنه بكراند حياة ولا شايف كراند حياة واتحداج و احلف بالقران واني ما مجبور احلفلج لانه هذا الكلام قديم وطلع وراح الى النزاهة والى مجلس النواب وحته رئيس الوزراء قرو هذا الكلام الي كتبتيه لانه قبلج كتبه هذا مضر الدملوجي بس اني ما فاتح حساب في هذا البنك او اي بنك بتركيا وهاي السفره مجرد سفره سياحية لا اكثر ولا اقل
9- من أتت السيدة حمدية بثمن شقة في الصويفية في عمان ومن أين لها الاموال التي لها في حسابها المصرفي في عمان ومن أين لها الاموال التي ستشتري بها الشقة الاخرى في بيروت والتي تسافر دائما لها مع صديقاتها وتنزل في الفور سيزن والموفمبيك وغيرها من فنادق الخمسة………………………………… ما احب احلفلج من جديده بس هم ما عدنه شقة بصويفيا هذا نفسه الكلام القديم و اي واحد يكدر يكول شوان عنده كذا وهايده عدها كذا كلام لاياخر ولا يقدم
اني كتلج انتي الوحيدة الي حبيت ارد عليج بس حبيت اسال سوال اكو كتابات على والدتي بالانترنت يمكن اكثرمن 20 حلقة من مضر الدملوجي و يمكن 3 حلقات من رند الجادرجي و هسه انتي كم حلقة زين و النزاهة جتي حققت بنفس الكلام و ما لكت شي وانو كله كلام انترنت زين متتوقعين هذا تسقيط سياسي او بسبب انو مضيقة الخناق على الحرامية زين هل معقول حسين الازري على مدى 6 سنين محد يكتب عليه و هوه جان كالتله الفساد من ساسه الى راسه و والدتي ب سنة وحدة هلكد يكتبون عليها حته كتبو عليها اكثر من صابر العيساوي هل معقوله صابر العيساوي انزه من والدتي الي كضت 30 سنة موضفة !!!!!! فا كل واحد عنده عقل و يكدر يفرزن الصح من الغلاط و اني ادري انتي اتكولين لعد ليش كتبو كل الحجي القديم لانه اكو ناس مطلوبه الى هسه 50 مليون و 100 مليون دولار وميريدون يسددون و امي رافعه عليهم دعاوي بالمحكمة وهذولة الناس نفسهم مستعدين يدفعون النه او الي اي واحد ملايين الدولارت علمود بس والدتي متتخذ اجراءات وتره هذا الكلام كله موجود بالانترنت فا اذا نفس الكلام لا اتعبين روحج واتكتبين و اني تره كتابات الانترنت كلها عدها علم بيها النزاهة و ديوان الرقابة المالية بس اني الي يهمني الناس العاديين الي همه اهلنه وناسنه و كرايبنه لانه سمعتنه فوك كلشي مو واحد باجر عكبه يكلي انتو حرامية و اني ممسوي هذا الشي هم لو مسوي بيها باب وجواب بس شي اتحاسب عليه واني ممسويه فهذا ظلم و احنه مو مثل غير مسؤل ميهمه الحجي لانه كاعد بره يخلص ياخذ وينهزم احنه جنه عايشين بالعراق وراح انضل عايشين بالعراق فا سمعتنه اتهمنه
