احمد الهندي اشجره ودمعك جره .. بعدة قلمك ما حجة والكل بچة
العنده غيره وما رضة على الذل ينام .. الطاحت اخته اهناك ما عن وانتچة
كفيل الراد منك هذا مشبوه .. مو ابن العراق و ع الوطن عار
شوكت صار العراقي يمنع الضيف .. العراقي يضوج لو ما ضافة خطار
خوات اثنين عندي وجدي عباس .. واحس مرها الهضم اختي بالانبار
تنام شلون كالت واختك هناك .. اختي وحشمتني ربات ذي قار
ولا محتاج نخوة وحافي هديت .. وهي من حشمت تعرفني مغوار
اجاني بطوب جده داعش اردود .. احذرك فالة ورثي وعندي مگوار
على بوق الطائفيه اتغفه الغمان .. لكن هذا بوقك صحه ثوار
تره واحد وطنه اثنين ميصير .. اليطگ خشم الرمادي يبچي الاهوار
مضيفي المن اذا ب بزيبز تبات .. علي ماريد بصمة وتبقى تذكار
تتشابك اعروگة ويكثر الياس .. اذا كصيته اذا لتجيب منشار
ويشد غصن بغصن جن واحد يصير .. فلاليح وطبع بينه من الاشجار
واذا مسمار داعش تفرقة تريد .. سمر لوحة على لوحة وحلمك انهار
غصبن ما عليكم واحد نصير .. ونفس سنة عمر شيعة الكرار
هو اسلام واحد وانتو بعتوه .. بدمي ودم اخوتي صرتو تجار
مكشوفة ورقتك وانت مكشوف .. بدماء الابرياء لا تلعب اقمار
شعجب مايوم واحد منكم يموت .. وولد الخيابة دمهم جره انهار
ترفضون الشهادة شعجب ياشيخ ..شعجب متصير قدوة تقود الاحرار
بس تدري العبيد الي يتبعوك .. جوعته ويتبعك وره الدينار
شرد من ضيم داعش ماعش انوب .. وجه اخر لعمله وكله دولار