أَيَحْسَبُونَ أَنَّمَا نُمِدُّهُمْ بِهِ مِنْ مَالٍ وَبَنِينَ .. نُسَارِعُ لَهُمْ فِي الْخَيْرَاتِ بَل لَا يَشْعُرُونَ
صدق الله العلي العظيم
لا يمكن لحكومة نوري المالكي أن تتخلص من سرطان الفساد..لان هاي الافه دخلت وعشعشت وفرخت وكامت أتصدر..فالقضاء عليها صعب والتخلص منها يحتاج الى مبيدات فعاله جدا..شايفين فرد واحد صارله خمسين سنه أيدخن باكيتين جيكاير يوميه وعلى غفله يطلب الطبيب منه أن يترك.. مستحيل يخلص من الجيكاره رأسا..لان النيكوتين باني بدمه مستعمرات .. وغالبا ما ينصح الاطباء الورده المدمنين بترك الجيكاره شويه شويه..هاي أذا توفرت النيه السليمه للمدمنين.. فخلي أنكول أن حكومة أبو سراوي شريفه وبريئه وما عدها أي أرتباطات مشبوهه وي مافيات الفساد..وخلي أنكول أن القضاء مستقل وما عنده أي أتصال بالحكومه ولا بريس دولة القولون .. أحنه الشعب الخايس المعفن.. والشعب المسموط أبوه وهو مصدر السلطات .. عدنه أدله وأثباتات بالجمله وبالمفرد .. أدكول هاي الاسماء الوارده أدناه بعضها مقيم في بريطانيا وأمريكا والقسم الاخر لا زال بالعراق .. ونعتقد هاي الاسماء وأكو بعد قوائم تجي تباعا, أن حكومه أبو سراوي والقضاء الاعلى والاهم المرجعيه في النجف على علم بهاي القذاره اللي نهبت وبلعت ولغفت وهي الان تتنتمع بأموال العراق والعراقيين ..ويا مرجعيتنه الرشيده ويا حكومتنه ويا قضائنه الورده تعرفون أكو خيسه من شعبكم عايش ويه المزابل وياكلون زباله وينامون بالمزابل..وأكو خيسه من شعبكم نايم بالمكابر وياكل ويه الموتى..وتعرفون أكو خيسه من شعبكم وبالعاصمه واللي هي عاصمه الثقافه العربيه ميعرفون منو هو نوري المالكي والطالباني ولا النجيفي..مراح أتصدكون..بس أكو منطقه بالفضل السنيه مشايفه صورة ريس وزراء العراق..روحو شوفوها..وجنت أتمنى على الدكتور نوفل أبو رغيف أن أيراوي وفوده من العرب سكان بغداد الحقيقيين شلون عايشين..بس مع الاسف هم طلع جلب ومنافق..
أكيد وأني على قناعه أنتم أتعرفون هاي الاسماء وعايشين فترتها وهم أني متأكد أن أبو سراوي والقضاء والمرجعيه تعرف ذوله النشاله اللي سرقو أملنه ومستقبلنه وحرمو الاف العاطلين عن العمل من أن يبنو عراقهم من جديد..والناس اللي ما تملك شبر واحد من أرض العراق خلوهم أيصيرون حواسم ويجاوزون على أراض الدوله .. والمتقاعد اللي جان يحلم براتب أيكفيه وعائلته ..ومنشوف أطفال العراق بالشوارع ويم الساحات ماده أيدها أجدي لو تبيع علج لو نفاخات..
يا نوري المالكي ويا قضاء العراق ويا مرجعيه هاي الوجبه الاولى من القذاره والنكاسه اللي سرقت أموال الشعب العراقي..اللي يثبت عكس ما عدنه من الادله والاثباتات فالقضاء هو الفيصل..
حازم كطران الشعلان, زياد القطان , عبد القادر محمد العبيدي, أيهم السامرائي , عبد الفلاح السوداني , جواد البولاني , عدنان الاسدي , محمود المشهداني , جاسم محمد جعفر ,عامر الخزاعي , مشعان الجبوري ,علي الدباغ , عبد العزيز البدري , فاروق الاعرجي, صلاح عبد الرزاق , عدنان الزرفي , خلف عبد الصمد ..
وما خفي كان أعظم
