مقارنة بسيطة حتى اللي يبيع ركي واللي تبيع كيمر وجاي تفهمه

عقد السبعينات
الحكم…دكتاتوري  سلطوي .بعثي …..البكر و صدام وجماعته بيهم شيعة وبيهم سنة بيهم يصلّون وبيهم يسكرون.
الموظف مرتاح راتبه يكفيه يسوي جمعية ويكدر بسنة يشتري سيارة يقدم على الشركة العامة للسيارات لو لادا لو نصر وبعدين جابم برازيلي 1978 سعرها من الشركة على مااعتقد 3750 دينار.
الطبيب خوش معاملة والمستشفيات بيهه افخر انواع الدواء السويسري الاصلي ومايكلك تعالي للعيادة . وينيموك مستشفى ويقدمولك افخر انواع الاكل الصحي والعلاج بمواعيده .
حرب ويه الاكراد لان جان الشاه البربوك جان يمدهم بالسلاح بعدين من وقعوا اتفاقية 1975 صاروا خوش ناس.
تم منع كل لقب ينكتب لا طبيب ولا محامي ولا اي واحد يكتب قطعة باسمه بالشارع مذكور فيها مايدل على اللقب او من اي مدينة.
ممنوع موظف يشتغل غير الوظيفة يعني حتى كل واحد ياكل رزقه ماكو مزاحمة على المساكين اللي موموظفين الطالب يعطوه راتب مرات يكفي ويوفر ويجيب لاهله من يجي من الجامعة من بغداد لو من الموصل يجيب بقلاوة لو جرزات لاخوه الصغير.
مجلس خدمة كل خريج يتعين وماكو واسطة او رشوة الا قليل لايؤثر على الغير وفوك كل هذا حتى الجو مجان بيه هيج غبار ولا هيج حرارة مبردة وحدة بالبيت يصير ثلج وهسة عرفت ليش الشاعر يكول اياليت الشباب يعود؟؟؟

خاف واحد يكول هذا بعثي يسال عروبة ام اللبلبي اللي بالنهضة عني تر اني مستقل وداعة البطل ابو اسراء العفو ابو حمودي مستقل…..
والى عقد الثمانينات اذا كان في العمر بقية وفي امان الله بالقريب العاجل