باكتنه حكومتنه و راحت دينار عدنه ما خلت … لالا العفو باكتنه حكومتنه بس ما راحت بعده تبوك بينه عل ايام الحصار ناويه ترد بينه .
المالكي شعاره ما انطيه ، انطاها بس عل حديده خلاها .للعبادي سلمه خلصه علينه بس طيحات يمشي على رجليه و يعثر ما تقولي شلون تمشي بطريق السياسه . مو صوجك صوج معصوم خلاها بيدك و راح نام مثل جلال ما نشوفه بس بل احلام . الواقع مرير و القادم اسؤء …. تقشف و ميزانيه ماكو و النفط اصبح ارخص من التراب . فما فهو الحل ؟؟ الحل :- قص رواتب الموظفين و المدرسين و المتقاعدين .يا حكومه انتي تتقشفين براس الفقير .
شيخ جلال يقول لا تشترون نستله و 30 الف بل شهر الواحد تكفي تعيش عائله عراقيه .صح كلامك يا جلال تكفي أكل و شرب و اذا تمرض شخص هم تكفي هاي غير الفواتير يتم دفعه من ال30 الف دينار عراقي .يعني هي المشكله واقفه على النستله زقوم هاي مو نستله .
ما ادري يعني يضحكون على روحهم او يضحكون على الشعب بهذا الكلام .
حكومه شعارات فقط ، تعمل تحت الشعار الديني ما يحلو لها اهم و ابز شعار لها هو (لبيك يا حسين) هذا الشعار المقدس اصبح ساتر للحكومه .
و الشعب هو الذي اختار هذه الحكومه و اليوم غير راضي عنها و يتذمر عليها و في الانتخابات يهتف باسمها و لا ينتخب سواها تحت مسمى (النعرفه احسن من لما نعرفه) .
حكومه من صغيرها الى كبيرها تسرق المال العام الكل يسرق فيها السني يسرق و الشيعي يسرق و باقي الطوائف تسرق من فلوس ابن الخايبه و هو الشعب منه يبوكون .
حكومه مكر و خداع ينطبق عليهم قول الله تعالى (وٌ قٌدً مُڪرًوٌأِ مُڪرًهّمُ وٌ عّنْدً أِلُلُهّ مُڪرًهّمُ وٌ أِنْ ڪأِنْ مُڪرًهّمُ لُتّزّوٌلُ مُنْهّ أِلُجبُأِلُ) . هذا هو ابسط وصف للحكومه الحاليه .
حكومه متمثله بل سلطات الثلاث القضائيه و التشريعيه و التنفيذيه بدون اخلاق . من مجلس محافظه الى مجلس وزراء و معهم مجلس النواب جميعهم يعملون بنفس المبدأ و هو (بوك بيدك محد يفيدك) .
حكومه احزاب و مليشيات اخترعت لنفساها نظام جديد للحكم و هو النظام الديمقراطي الدكتاتوري ديني . دكتاتور تحت ستار الديمقراطيه و الدين .
حكومه اطلقتُ عليها اسمً جديدً يليقُ فيها و هو (الزوابع و التوابع) .الزوابع متمثله بل رؤوس الكبار . اما التوابع فهم اتباع هذه الرؤوس و حاشيتهم .
اسئل الله تعالى ان يرفع هذا الغشاوه عن عيون الشعب .و ان تسلط علينا من يخافك فينا . شوي عدنا ذمه و ضمير . و لو هذا اصبح مثل الحلم لكن الله قادر على كل شيء .
