أستلقيت قليلا وبيدي القلم والورقة دون ان اراهم  ويدي تخربش بهذه الخربشات بأيعاز مما ظهر امامي من شريط سريع للاحداث  لما عشناه في ظل حكومة الفشل وفي قلبي حسره وألم …..

نفط البصرة ميغزر  !! ((أيييييه وبكل حسره لأن مابي ملح))

كلما زاد انتاج وتصدير النفط زاد الفقر في بلادي  ! ((الجيوب تتسع))

كلما اريد اشتغل ميخلوني !! ((مابيك خير ))

بلد يتفاخر بمدارسه الطينية مع وجود(5) مليون أمي! ((أصل الانسان من تراب مو مشكلة ))

من الدورة السابقة  بلد يظهر فيه رئيس البرلمان ويقول بكل خزي وعار إن (47) مليار دولار قد فقدت من خزينة الدولة وغير معروف مصيرها!! ((كلنا نعرف إن مصيرها هو جيوبكم يا مجرمين))

فقاعة نتنه انتهوا قبل ان تنهو !! ((طاح حظك سلمان ))

الجيش يشتري اسلحته من المواطنين بالسوق السوداء !! ((جيش قنبر وغيدان وسويلم أشتترجه منه ))

50 الف فضائي في الجيش و75 الف فضائي في الشرطة !!! ((حرب النجوم قادمة يجب التهيؤ لها ))

ميزانية 2014 باي باي لندن!!  ((هربت الى لندن وبجيب النسايب الحبايب والاقارب  ))

هذه كان المفروض حسين الشهرستاني يگلي اين الخلل !! ((مضحكة للرايح والجاي ))

مبادرة السكن أطلقت بأراضي فضائية قبل الانتخابات بشهرين !! ((أيبااااااااااه عذرا لمصطلحك عبعوب ))

أبواب جهنم ستفتح حال التدخل بتشكيل الحكومة!! ((گضه عمره بالتهديد والوعيد ))

عندي ملفات فساد ماكشفتها اخاف تصير بوكسات !! (( اي تخاف على شكلك الحلو يورم وما خفت على ذبح الشعب ))

ايها العرب متى تحررون القدس !! ((خو ماكو شي )) هذه شجابها بالنص

7 ×7 !! ((يساوي 37))

ماننطيها !! (( كرست الدكتاتورية و أطاحت بقائلها ))

صخرة عبعوب ووسيم بغداد !! ((أيباااااه تهريج في تهريج يازرق ورق ))

59 مليون دينار !! ((خالد العطية ماكو هذه الايام ))

سيارة صهريج طرگاعة ضربت خط الصد سقطت الموصل !! ((عيني ابو ايهاب على كيفك ويانه لا تحمه زايد))

تفتح البرغي تلگة ألنكي !! ((بعض  البراغي يحتاجلها ألنگي وووووو  أسرنجه ))

الشعب العراقي دايح وبائس !! ((خسئت يا دايح ))

حمودي گرندايزر !! ((طبعا ابوك بطل ))

عام   2013  عام تصدير الكهرباء !! (( اخذ الشور من راس الثور ))

اذا مات المالكي نستنسخة !! (( حجي عباس البياتي استنسخ العبادي ماكو فرق بين حجي علي وحجي عليوي ))

العراق يَحرق سنويا كميات من الغاز تفوق إستهلاك 7 دول  لهذه المادة!!  ((تره الشهرستاني عالم أصلي محنك ))

انا حامي ثروة العراق !! (( بس لا تحمه علينا قصدك حرامي ثروة العراق ))

من هذا الانقطاع الايدلوجي المطلق والاسلامي والمتعالي الراديكالي من جهة والنسبوي الموصول !! ((اذا افتهمت شي عود خابرني بشفافية  ))

أنا ولي الدم !! ((حجي طارت الموصل خليك ولي لبن اربيل المدخن احسن ))

الاموال المخصصة  للنازحين !!! ((خمطها زعيم اللغافين ))

لمن تشكي حبة القمح اذا كان القاضي دجاجة …والبقية في العدد القادم  من خربشات في خربشات لكن معانيها قاسية أنا لله وانا اليه راجعون … ياعراق أنا بگلبي  سوالف تجرح السكين ….الى السياسيين  بغبائكم السياسي وفسادكم المالي اصبحتم  لنا مادة دسمة لكي ننتقدكم  ونقتص منكم ….أنتهى