جاسم الحلفي .. زبدة اليسار العراقي..

نكتة شعبية، ان صبيا سمع ان والده قد تعرض الى حادث سيارة، وركض مهرولا، يلطم على راسه ويصيح: يا بويه .. يا بويه.. منو الي بعدك يا بوية..
ركض الصبي مسرعا الى الدار ليخبر والدته.. طرق الباب بقوة .. ففتح والده الباب، ورأى ابنه (يدك) على راسه.. فقال له: وليدي .. هاي شبيك.. فهمني..
استمر الابن يلطم ويصيح : يا بوية .. يا بوية .. منو الي بعدك يا بوية..
استغرب الوالد وصاح به: لك شبيه ابوك..
* …. ابوي دعمته سيارة..
* …. لك شبيك .. مو هذا انا ابوك .. مو انه كدامك..
صاح الابن في وجه والده: ابوي مات .. الناس كله تكول ابوي مات.. يا بوية .. يا بوية .. منو الي بعدك يا بوية..
اقول باللغة الشعبية: هاي السالفة ما تضحك .. هاي تبجي.. او هي شي منطقي وعادي جدا .. مع ما نراه من مشاهدات وقصص في الواقع العراقي.. من ربعنه اللي يكولون هم مثقفون او متدينون.. وهم لا عقل ولاذمة ولا ضمير.. او اغلبهم كذلك .. يرفضون تصديق الواقع الذي يشاهدونه باعينهم.. ويصدقون اشاعات الفاسدين وتقارير المحتلين..
وانا اكتب هذه السطور بعد ان اطلعت على حملة شنيعة ضد المفكر الحلفي، يقودها ازلام دولة الفاسدون (الغانون) وديناصورات الشيوعية.. عجبا .. عجبا.. !
فعلا.. شبيه الشيء منجذب اليه .. انما جمعكم حقدكم على الشعب ، وتبعيتكم للاجنبي.. وتاريخكم الانهزامي الى الخارج.. وخواءكم النظري والعملي.. وسفاهة تصواراتكم.. ورضاعتكم من ثدي المخابرات المعادية للعراق…
وببساطة .. اعتقد ان مهاجمي الحلفي، قد تمحورا على مشترك.. لا يخفى على القاريء اللبيب.. اما الحلفي .. والشاعر الوطني احمد عبدالحسين، فقد جمعهما التواضع وحب الوطن .. ليلتقوا مع القواعد الشعبية الرافضة للفساد في ساحة التحرير والمطالبين بالاصلاح..
واقول لال جيفارا .. كما قال الشاعر:
وإذا أتَتْكَ مَذَمّتي من نَاقِصٍ
فَهيَ الشّهادَةُ لي بأنّي كامِلُ
ان الحرب التي يشنها حرامية الخضراء وتنابلة مقاهي شارع المتنبي .. يمولها المال الحرام المسروق من جيوب الفقراء العراقيين.. وللحديث بقية..