احنه العراقيين كلش بطرانين بس على كد بطرنه متونسين وبعدين على ونستنه نبجي ونكول ليش مو مثل غيرنه من الدول، والسبب طبعا من إيدنه لان احنه شعب بطرانين سكرانين جوعانين وشبعانين وبينه كل انواع الانين الذي لا ينتهي، اي وحق حيدر العبادي، اهووو اتذكرت حيدر أبو التقشف وضاك خلكي وحبيت اطلع سفره وشكد يعجبني اطلع بسفره نهريه، ورحت لصديقي باقر البلام ردت اتفق وياه يطلعني بالبلم على اساس تكسي نهري بس اشو صدمني خبر تركيا كاطعه علينه الماي صار 6 اشهر والمصيبه الحكومة ما تدري!! مسكين الفرات نشفوه وحتى السمج هم هاجر يطلب لجوء حبيب معدتي.
انقهرت بصراحه بس مثل مكتلكم احنه بطرانين ومتونسين، كلت خلي اروح لأربيل اتونس وتعرفون الطريق البري مو امان، هو ماكو شي بس معارك وقتال وطائفيه صايره وحرك اعلام وهاي هيه قابل شكو، اهم شي الحكومه الرشيده بخير والباقي يتعوض، المهم كِلت خَلي اصعد بطيارة وكَصيت التكت وبعد البهذله مال الدخول للمطار كَالولي ماكو رحلات!! شنو؟؟ يابه ليش؟؟ مو دافعين فلوس، كَالولي اكَو صواريخ روسيه تعبر من فوكَانه ونخاف لا تنضرب الطياره. انه اخوك!! وابو كرار يدري بوتين كاعد يضرب من فوكانه؟؟ طلع مايدري!! . اني ما راح اعتب على حويدر بعد مايفيد العتب وياه بس خويه انته بوتين شلون يعني جبت الأكرع يونسني طلع راسه وخرعني!! ليش مولاي بوتين ليش، صارت بيد الكرعان هسه، والنوب حته الامريكان هم يضربون من فوكانه، ومندري، وايران همينه هاي طلعت كلها تضرب من فوكَانه، يابه الرحلات متوقفه 48 ساعه ويجوز اكثر المده تعتمد على كثرة الضرب. وفوكاها الكونكرس الامريكي مجتمع يريد يقرر تقسيم العراق واحنه جماعتنه البرلمانيون ماخذين اجازه نطاهم اياه سليم الله لا يسلمه.
يعني بالله هسه بشرفكم انتخابات للدستور وسياده وصرف فلوس وتعب وايفادات ودول مهتمه واني اريد اروح سفره.. لا بالنهر طالع ولا بالجو طالع ولا بالبر طالع وكلها لان سيادتنا مَنكوبه، وفوكاها ثرواتنا منهوبه، الله يطيح حظ كلمن حرمني من سفرتي، ارجع للبيت والعب ويه جَلبي هوايه احسن من هالعيشه بلا سياده.
ثروات الوطن منهوبه والسياده مَنكوبه
احنه العراقيين كلش بطرانين بس على كد بطرنه متونسين وبعدين على ونستنه نبجي ونكول ليش مو مثل غيرنه من الدول، والسبب طبعا من إيدنه لان احنه شعب بطرانين سكرانين جوعانين وشبعانين وبينه كل انواع الانين الذي لا ينتهي، اي وحق حيدر العبادي، اهووو اتذكرت حيدر أبو التقشف وضاك خلكي وحبيت اطلع سفره وشكد يعجبني اطلع بسفره نهريه، ورحت لصديقي باقر البلام ردت اتفق وياه يطلعني بالبلم على اساس تكسي نهري بس اشو صدمني خبر تركيا كاطعه علينه الماي صار 6 اشهر والمصيبه الحكومة ما تدري!! مسكين الفرات نشفوه وحتى السمج هم هاجر يطلب لجوء حبيب معدتي.
انقهرت بصراحه بس مثل مكتلكم احنه بطرانين ومتونسين، كلت خلي اروح لأربيل اتونس وتعرفون الطريق البري مو امان، هو ماكو شي بس معارك وقتال وطائفيه صايره وحرك اعلام وهاي هيه قابل شكو، اهم شي الحكومه الرشيده بخير والباقي يتعوض، المهم كِلت خَلي اصعد بطيارة وكَصيت التكت وبعد البهذله مال الدخول للمطار كَالولي ماكو رحلات!! شنو؟؟ يابه ليش؟؟ مو دافعين فلوس، كَالولي اكَو صواريخ روسيه تعبر من فوكَانه ونخاف لا تنضرب الطياره. انه اخوك!! وابو كرار يدري بوتين كاعد يضرب من فوكانه؟؟ طلع مايدري!! . اني ما راح اعتب على حويدر بعد مايفيد العتب وياه بس خويه انته بوتين شلون يعني جبت الأكرع يونسني طلع راسه وخرعني!! ليش مولاي بوتين ليش، صارت بيد الكرعان هسه، والنوب حته الامريكان هم يضربون من فوكانه، ومندري، وايران همينه هاي طلعت كلها تضرب من فوكَانه، يابه الرحلات متوقفه 48 ساعه ويجوز اكثر المده تعتمد على كثرة الضرب. وفوكاها الكونكرس الامريكي مجتمع يريد يقرر تقسيم العراق واحنه جماعتنه البرلمانيون ماخذين اجازه نطاهم اياه سليم الله لا يسلمه.
يعني بالله هسه بشرفكم انتخابات للدستور وسياده وصرف فلوس وتعب وايفادات ودول مهتمه واني اريد اروح سفره.. لا بالنهر طالع ولا بالجو طالع ولا بالبر طالع وكلها لان سيادتنا مَنكوبه، وفوكاها ثرواتنا منهوبه، الله يطيح حظ كلمن حرمني من سفرتي، ارجع للبيت والعب ويه جَلبي هوايه احسن من هالعيشه بلا سياده.
