سيد عمار كلش مقهور على العراق وسوة تكتل عراقيون،جا سيدنا ، أنت مو شريك بكل الحكومات وجانت المحافظات الجنوبية من حصتكم بعد سقوط النظام وجانت ميزانيات انفجارية وما سويتوا بيه شي،،،،، هسة بزمن الفكر تريدون تبنون العراق اللي نص أهله ما لاكين اكل ومرضاهم ما لاكين دواء …سيدنا انتم تتحالفون اليوم وتتخاصمون ثاني يوم وخلصتوها علينا عناد بيناتكم واحنا ندفع الثمن ….. لا لزمتكم مواثيق شرف يومية توقعونها ،، لا لزمتك دموع العراقيات الارامل والامهات الثكلى بضحايا تفجيرات الارهاب وشهداء الحشد والجيش والشرطة ،،، شو الارهابيين المحكومين بالإعدام في سجون ٥ نجوم، ومحرضي الارهاب يطبون من هذا الباب يطلعون من الباب الثاني وانتم مغلسين ، تحجون كلكم على الفساد مثلنا ، وما شفنا منكم واحد اخو خيته ورجع درهم للدولة ،،،، سيدنا عندي موضوع ومضيق صدري ،،، راح احجي بيه ولا تزعل، ،لان زعل السادة ثقيل علينا ……عود ليش لمن جانت الدنيا محروكة ….الكل لازمة وثائق فساد تدين زيباري ،،، وزير يصرف بالشهر قريب من المليار دينار نثرية واستئجار وتنقل حتى سيارات الرتل مالته بالطيارة يصعدها تروح لاربيل كل اسبوع في اهانه ما بعدها اهانة للدولة وللشعب ، واهلنا بالجنوب حسرة عليهم الدواء … وتطلع سيدنا تكول الاكراد خط أحمر وكأن الشعب الكردي المسكين هو مستفيد من هذه النثرية الجنوبية، هسة تريدني اقتنع نيتك صافية وكلبك محرك على العراق ،،، اوووف ،،،،سيدنا تعبنا كلش لان لو ابقى اسولف للصبح ما تخلص مصيبتنا مولانا … روحنا طكت ما عاد نصدك واحد منكم …..ترى كلامي يشمل الكل .. سنة وشيعة واكراد ….. كلكم بهذلتونا
