بمناسبة قرب وصول خبراء دوليين للتحقيق بملفات الفساد بالعراق 

بذيچ السنه حمودينا چان جاهل وأربع وعشرين ساعة يبچي ، يابه ليش تبچي ، گال أريد حليب ، جبناله حليب ، هم بقى يبچي ، شنو السالفه شتريد ، گال حطوا فوگ الحليب چاي ، وكالعادة حطينا الچاي فوق الحليب ، بس حمودينا هم ضَل يبچي ، ول يابه شتريد ؟! 
گال هسه أفصلو الچاي عن الحليب ، تعال هاي شتحطلها تاطيب . رباط السالفه .
الفساد بالعراق ، صار عبارة عن چاي وحليب ؟! 
من الفرّاش لحد ما توصل رئيس الجمهورية ، وعلى مدار (١٣) سنه.. هسه لو يجبون شيرلوك هولمز ما راح يگدر يفصل الحليب عن الچاي ( الفساد ).
‫#‏تذكرون‬ كوفي عنان من كان الأمين العام مال الامم المتحدة أيام الحصار ، وكان هناك مشروع ( النفط مقابل الغذاء والدواء ) ، عبالنا ذوله مضبوطين وما يبگون ، بعد ٢٠٠٣ ، اتسربت تقارير سرية عن صفقات وعمولات ورشاوى كانت اللجنة المكلفة تتقاضاها من كلا الطرفين ، ذوله الخبراء اللي راح يجون للعراق بعد كم شهر.. هم راح يعلموهم ربعنا شلون يشربون الچاي والحليب ، وبعد خمسة او عشرة سنوات راح تطلع وثائق سرية مسربة تؤكد بأن أعضاء اللجنة كانوا يتقاضون عمولات ورشاوى من جماعتنا.واذا تبقى ع الچاي وحليب هم قابلين.. بس المصيبة انه الخبراء أجانب.. والاجانب يحبون كوكتيل الفواكه