القبول بفكرة حكومة يتقاسمها ( الشيعة ) و ( السنة ) و ( الاكراد ) معناها القبول بعقوبة مفتوحة للشعب العراقي .. لانه اساسا هو قبول بتحلل مفهوم الشعب واحلاله بتقسيمات عنصرية تتنافى مع ماهو انساني .. لان التمييز تمييز سواء كان باللون او بالعرق او بالمعتقد .. والشغله تتصنف عنصرية ( ان اكرمكم عند الله اتقاكم )وبالمناسبة من قبل بهذا المشروع .. يا اما مستهتر بالعراق او غبي . لانه اذا كانت الحرب العراقية الايرانية طول جبهتها 1000 كيلومتر وبزمن 10 سنوات فضت وانتهت بالشافعات .. فان الشيعة والسنة والاكراد صنعو حرب احسن من عدهه للعراقيين وحدهم بدون اعداء اذا تريد تحسب محيط جبهتهه في كل المناطق التي يقاتل بها الحشد الشعبي الان قهي تتجاوز الالف كيلومتر من الحدود السورية الى الخطوط المتشعبة الى الموصل والانبار وجبال حمرين وصلاح الدين .. كما ان زمن الحرب تجاوز فعليا العشر سنوات .. زين هو العراق .. الشعب العراقي بعد كل مامر بيه من حروب .. يحتاج حروب من نمط معركة الجمل واحد وصفين والله اكبر .. بس اريد افتهم الستراتيجيين اللي اقتنعوا بوجود حكومة مكونات . ما يعرفون شنو راح تنطي هاي الحكومة من سلوك ؟ اكو غير الشيعة تستفز السنة والسنة تستفز الشيعة والعرب يستفزون الاكراد والاكراد يمزقون علم العراق .. شلكم بهاي الطلابة .. انا ما احتاج عنوان طائفة سائق التاكسي ليوصلني بسلام لقاء اجر ولا احتاج عنوان طائفة المهندس الذي يبني بيتي .. اليوم اي كفوء تقبله اي دولة متقدمة وتنطيه جنسية لقاء كفاءته ..واي واحد مو زين تذبه عشيرته .. وين اكو حكومة توازنات … شكد من هاي العقيدة وشكد من هاي العقيدة بهاي الوزارة .. معنى هذا الكلام انتو دتبنون على مساويء تاريخ الاسلام دولة مو على صحيحها .. الصحيح ان الدولة للانسان .. دولة بابناء طوائف شماعية .. احنه .. ب شماعية ..
