بالازرك احلى والسيد مغلس!

المجلس الاعلى وبعد ان اتفقوا فيما بينهم لتقسيم الدخل بينهم وبين الامل وصارو الامل بعد بيتي حكمة وذبو الرباط الاصفر وصار رباطهم ازرك والشعار بالازرك احلى مجرد تغيير الوان يعني المهم سوو ازمة بالرباط الازرك ووكف سوك الرباط الاصفر وتغيرت الوجوه من صفر الى زرك لكن المضامين متغيرت بقت نفسهة شقدم السيد وشقدمت الكتلة سؤال لكل العراقيين ماهي منجزات الكتل الشيعية والسنية بشكل عام وماهي منجزات السيد عمار ومسوي قاعة بذاك الحساب وتجهيزات والامة محتركة ويصفط عدالة ودولة عادلة, دولة عادلة وين بالضبط؟ ها وين بالضبط مثلا بالناس الي عندك تتراهن عل النسوان منو راح يخلوهة تنزع ويصورهة واخو احد القيادين عندك مختص بهل الشغلة وهسة صار مقدم بالفرات الحمد لله كم وحدة صور وكم وحدة تراهن عليهة وكم وحدة فبركو الهة صور وساوموهة حتى يهددوهة في حال عرفت اسرار عن شغلكم وحبت تترك العمل بالامل الاصفر؟ مو ياجماعة الخير لو اني غلطان وروحو اسئلو عن هل القصة بالذات واسئلو بدقة رجاءا
زين نعوف هذا الموضوع على جهة كم شخص فبركتولة صور وهددتو انو راح تفضحو وكم شخص دخلولة من حساب بنية وانطلق الاخ بالكلام واندمج وصار رومانسي ونسختو المحادثات وصارت موضع تهديد وصار الاخ تحت سيطرتكم, زين ماذا عن ليالي بليغ البغدادية الساخنة رغم انه نجفي الاصل الا انه بغدادي الهوى مثل ابن هولاكو يكول اني مغولي الاصل عربي الهوى؟ هذي المصايب كلهة وبالازرك احلى والحجي الجبير مغلس والدولة العصرية الصفرة تحولت وصارت دولة عصرية زركة ايه بلوة عمي بلوة تخلص من ابو سريوة داحر الارهاب يطلعلك ملهم الشباب بالازرك احلى وتمر على الكربولي هذا سالفتة وحد بعدين نسولفهة الاخ يوزع ايفونات مطلية بالذهب عل الفنانات من جيب الخلفو صدك جذب هذا الشعب تخبل لو نايم شجاكم تصعدون بس هل النماذج التعبانة والحثالة يمعودين ترى عدكم ناس شريفة مخلصة كافي والله العظيم ضحكتو الدول علينة وصرنة مهزلة وسلامتكم وداعت برلمان الحفاظات!