انتبه ابني على مااكتبه ونبهني انه ليس منبار العراق انما منبر العراق لان المنبار هو ما يؤكل مع الباجه العراقية وجمعه منابير والمقصود اني اريد الكتابة عن الحزب او التجمع الجديد لاياد علاوي ( منبر العراق ) لكن قبل ان ابدأ اريد ان اقول انا ليس بيني وبين علاوي اي شيء ولا حتى معرفة ولذا فما اكتبه عنه اكتبه عن الجميع سنة وشيعة واكراد وعلمانيون وملحدون وكقرة ومعممون وكحاب وكواوويد وكل من يشترك بالعملية الجنسية العفو ( العملية السياسية ) فقد نفذ صبرنا معهم كلهم فلذا فاني لن اوفر احدا منهم ..
وقف اياد علاوي هو والديناصورات معه يشكل تجمع جديد ماذا تريد اساسا انت مصاب بالزهايمر من الدرجة الثالثة وهو اقوى واحد على قياس جاك عبود ماذا تريد عندما سنحت امامك الفرصة وكنت رئيسا للوزراء جمعت كل الفساد والحرامية من وزير الكهرباء الى الدفاع الى الداخلية الى… ماذا عملت لا شيء … جامع ميسون الدملوجي ومعلكة مناظرها وفاتحه زيكها شتريدين تصيرين .. ها شنو من وياه هذا سمير الصميدعي عضو مجلس الحكم ووزير الداخلية اين اختفيت عشرة سنوات اين كنت رجعت ماذا تريد اين كنت شنو القصة يعني انت ايضا عمرك وصل ال 80.. وهذا قاسم يمكن قاسم داوود هذا مو كان يطلع بافلام كارتون وي ( باباي ) زين مو كان وزير الامن القومي الفرقة ناقصة اثنين حيدر الملا ونوري البدران حتى تكمل السبحة ..
اني اريد اسال ذول شنو ما تعبوا من ( خدمة )العراقيين ما تعبوا الله يساعدهم من السرقة روحوا ولوا لبلدانكم انتوا ما عندكم نسوان عشيقات غلمان روحوا تونسوا بس عوفوا العراق للمساكين الفقراء وابن السبيل ما يكفي يااياد علاوي انت احد المسؤولين عن تدمير العراق انت مسؤول عن كل قطرة دم سالت في العراق انت واحد منهم اترك العراق و( منبار العراق ) اخذه استيفيد منه ..الظاهر كلهم على هذا الخط ما شايفين وشافوا