يقولون اللهم لاشماته ان حدث لعدو مكروه …. واقول لما ذا لا نشمت ؟ كفانا رياءا …بل سنشمت ونتشفى بكل من خان الامانه وخلق المشاكل واثرى وتغطرس وقرب العشيره واستاثر بالسلطه لثمان سنوات فهو … رئيسا للوزراء .. ووزيرا للدفاع … ووزيرا للداخليه .. ومسؤولا للامن الوطني .. وقائدا عاما للقوات المسلحه .. ورئيسا لحزب الدعوه .. وما خفي كان اعظم !!!!! من انت يانوري المالكي الطويرجاوي حتى تتسلم كل هذه المناصب ؟! ا
ابنك حمودي زاد على قصي وعدي بالاف المرات وابن اختك لعب بالدنيا لعب وزوج بنتك المصونه اسراء حدث ولا حرج … شنو انتم ماتستحون ؟ وليش حكمتوا على صدام بالاعدام ؟؟ الم يكن مستأثرا بالسلطه هو وعشيرته وحزبه ؟ فما اشبه اليوم بالبارحه ؟؟؟
خلي بوجهك نقطة حياء انت وازلامك من الدعوجيه الفاسدين امثال حسين الشمرستاني وعلي اللا اديب وكمولي الساعدي وابو العمليات الرهيبه بالمقعد خالد العطيه … وابن وزير التجاره المجرم الهارب فلاح السوداني ( انت تدري بالمشكله الناقصه اللي سواها بلندن يوم الانتخابات واعتدى على العراقيين بالضرب لانهم ماصوتوا لك ) كافي عاد استحي واترك السلطه والسياسه والناس اللي تنتقدهم دائما من قبيل السيد مقتدى والسيد عمار الحكيم ( على الاقل هؤلاء شباب متحمسين ويريدون خدمة الوطن وان كان كل على طريقته واجتهاده ) وهؤلاء ابناء حسب ونسب وسلاله … فمن انت يانوري المالكي .. والكلام موجهه لكل عراقي شريف وكافي عاد وبس مو ملينا وصرنا مضحكه لكل العالم
هذا الرجل انتهى دوره
واصبح جزءا من الماضي ….وتبا للعراق من شماله الى جنوبه ومن شرقه الى غربه …ان تحققت الولايه الثالثه له .. ولات ساعة مندم.
