ايها المواطنون الاحبة صدريون كنتم ام فتحيون ، خاف ماتدرون خل نسولفكم مايجري ويقوم به ممثليكم البرلمانيين وقادتكم الميامين ..
يوما ما اجتمعت الكتل السياسية وقسمت الحصص ، وفيها اصر سائرون على ثلاثة مناصب وجعلوها قدس الاقداس عندهم ، حينها خيّرهم عادل عبدالمهدي بين اثنين من ثلاثة :
اما بنك مركزي او دائرة الموازنة، ولكن بقى اصرارهم على المقدسات الثلاثة، حينها تجاوزهم عبدالمهدي واعطاهم دائرة الموازنة، وعندها انطلقت التظاهرات ، وفيها قرر القائد بأنه سيركبها ويوجهها الوجهة التي يريد،
ونسق فيها مع المنظمين لتلك التظاهرات واعلمهم بان المشاركة معهم ستعطي قوة لهذه التظاهرات وحماية للمتظاهرين ….. وكان على عبدالمهدي ان يستجيب لهم ولمطالب الامريكان لكي تنتهي التظاهرات، لكن عبدالمهدي اصر على موقفه مع كتلة الصدر وكذلك في موقفه الواضح من الامريكان ورفضه لمطالبهم ، حينها جاءت الكصوصة من القائد وهو في قم وقبل ان يصل الى النجف” ارحل”، ارحل ……
رحل عبد المهدي وجاءت حكومة الكاظمي ، دائرة الموازنة مضمونة بالجيب واضيف لها البنك المركزي ، ومازالت المعركة مستمرة على المقدس الثالث وهي” سومو”..
المهم نرجع لسالفة الموازنة؛ يوما ما ارسل نصار الربيعي على محافظ البنك المركزي بعد صدور ورقة الاصلاح، وقال له انت طبعا مرشح سائرون والسيد القائد يبلغك السلام، ولديكم نية لرفع سعر الدولار، صراحة نقول نحن معكم ولكن لاتنسون حصتنا، ساله المحافظ : دكتور نصار شنو حصتكم المطلوبة ..
اجاب نصار نحتاج ٣- ٥مليار دولار بسعر ١١٩، والنقد العراقي بالبنك موجود وخير من الله ، وتعطونا النقد ونشتري الدولار ، وبعد فترة نبيع هذا الدولار ونعيد لكم النقد العراقي …وسهلة هذه القضية وتغطون لمدة شهرين على كم ترليون ريثما نبيع الورق ( وتتذكرون من كانت الرواتب تتأخر لان الحكومة ماعدهم خردة ونقد ) ، وبعدها اعلنوا رفع السعر كاضطرار لمعالجة العجز في تسديد الرواتب والنفقات ، صفن المحافظ
وتغير لونه مرة على اصفر ومرة على اخضر ،
قال نصار شبيك شنو القضية ، هي شهرين او ثلاثة ونبيع الدولار ونعطيكم حسابكم، قال المحافظ :دكتور هاي اشلون مغامرة ، صعبة ، مااكدر عليها ، هاي فلوس ،احتركت ، غركت ، انتم تتبرون
اني شنو أسوي، قال نصار : (بكيفك روح فكر ، ورجعلي خبر بس بسرعة لان القائد ينتظر ) ..
الزلمة محافظ البنك المركزي بوجهه لوزير المالية ، كله تعالي الشغله هاي وهاي، جاوبه الوزير : البنك المركزي مستقل وانت حير بروحك ، اعرف بس انصحني ، كله روح لابو هيا، راح المحافظ لابو هيا ..
جواب ابو هيا : شنو هالخرط عمي هي فلوس الخلفونا، اياك تفوت بهيج سالفة!!
الرجال طلع من يم ابوهيا واتصل بنصار وقال له : الشغلة كلها يم وزير المالية ورئيس الوزراء..
نصار كله خوش لعد ايصير خير..
من الصبح حسن الكعبي ركب سيارته البيضه وغبش بيها، ناوي على فلوس الفقرا اليوم يكضيها.. وتحت قبة البرلمان وحضرله ورقة وكتب بيان ومضمونه ان الكاظمي ووزير المالية ومحافظ البنك المركزي موخوش اوادم ولازم نستجوبهم لتحقيق مصالح الشعب ، النواب بلاعلم ولا معرفة واغلبهم يحب الهوسات والردح وامعتصماه، وقع وقع وصارلك العدد بحدود ١٣٥ نائب، حددوا موعد للجلسة مالت الاستجواب، ابو هيا گلهم عمي
نزلوا المبلغ اشوية ، مناه مناه دخيل الله، واتفقوا على مبلغ فعلا، صراحة انا لااعرف قيمته ، وصار موعد الجلسة ولكن لم يحضر حسن الكعبي نفسه!! وحتى النواب استغربوا ومايعرفون شنو اللي صار ..
خوش حجي ..
زين جماعة الفتح الي كشفوا الطيارة الي نقلت السفير من السفارة بالليل، والي يراقبون نوع اكل وشرب السفير، ويدرون بمايدور بكلوب ال سعود وال نهيان ، ماعبرت عليهم هاي السالفة او عرفوها بعدين ، المهم لكفوها..
وكالوا اذا نحجي شنحصل، جماعة سائرون لانصل معهم الى نتيجة، وراح يكلبون السالفة علينا ، خل نسكت ونشوف ، الجماعة اقل شيء راح يشيلون ترليون يوزعونه بالمربعات الانتخابية ،
احنا شراح انحصل ” جير خفت”…
هاي السالفة ومابيها …
ناس فكروا مع الفتح لمجابهة هذا المكسب وقالوا : يافتحيون اسمعوا وعوا وافتحوا الاذان والعيون ، حتى تواجهون سائرون في هذه السالفة وفي غيرها ..
..صيحوا وبأعلى اصواتكم وا مواطناه وافقيراه، احنا اذا مانزل سعر الدولار لانصوت للموازنة، وبهاي سائرون راح تنفضح ….
النتيجة سائرون ماتكدر تنزل الدولار، لان هم اشتروا دولار ، وبيعه الان بهذه الكميات وبالسعر الحالي غير ممكن ، حتى الدولة لايمكنها بيع الدولار فكيف بهم ؟ وهذا يعني بانهم لايربحوا شيئا حتى في حالة بيعهم بعض دولاراتهم عبر منافذهم وفي سوق مضطرب وركود ..
الان راي الفتح: اذا بقى الدولار فان سائرون تشتري الناس وهم لم يحصلوا على شيء ..
اما باقي الكتل …
.الاكراد لسائرون..
كاكا عبرلي حصتي وانا اصوت معك
على السعر الجديد ..
الاكراد للفتح..
انت كاكا ليش ماتجي للدرب وتمشي حصتنا ونصوتلك على الي تريده..
السنة :
الحلبوسي الرجال داهنين زردومه سائرون وللامانة هو قال لهم :
” انتو تدرون انتخابات جايه واريد شيء اجيب بيه الناس لجانبي ..
فمررولي مال المتغيبين مدري المغيبين” عود شنو المتغيبين منو مغيبهم! زين همه وين يداومون..”
كتلة النصر :
تكول الدولار عند الاغنياء والدينار عند الفقراء …عود اكتشفو فد معادلة جا وين جنتو ، هسه هو لامن حلها ولامن سكت..

كتلة الاعتدال والوسطية :اقترحو سعر ١٣٠ عود يفضون الطلابة جا شنهي هي عشاير ، اما الاعادة او الابقاء ايهما افضل فهمونا ؟ شوفوه وصيرو وياه هاي مو مال مبادرات ترضية يجماعة..
الفضيلة: صدك شو ماكو..شنو موقفهم ايكولون سموا نفسهم النهج الوطني ومسويلهم جريدة اعتراضات ،حتى يااعتراض ينجح يكولون احنا وياه..
انا كمواطن اخاطب سايرون..
عمي انتم صارلكم ١٧ سنة مشاركين بالحكومة، وكل رئيس مايجي اذا مايكول سيد مقتدى نعم ، والسيد هو اقر بذلك، شسويتونا ..صدك ترستوا مدينة الثورة ومناطق شرق القناة تكاتك ، ودمرتوا اخلاق اهلها وترستوها قادة من صنف ابودرع..
واهل العمارة نصهم سويتوهم يهربون حشيشة..الناصرية سودنتو اهلها.. التظاهرات نزلتوا بيها ربعكم ولعبتوا طوبة..
مخلين الله عليكم ، ومسلميهم بيد الواحد الاحد على هاي المصيبة