ما عرف النهاب والنهابات وين كانوا يشتغلون سابقا اعتقد ب (…), هسة الي يبوك ميخالف يمرر صفقة مقنعة يعني بناء او ياخذ قرض وينهزم هم ميخالف مثل فلاح السوداني الكلب ابن الكلب الي اخذ 6 مليارات وفلت يعني القضية مقنعة بيهة مجال بس حفاظات للنائبات بتسعة مليون دولار, يعني 9 مليارات!! هاية القصة تستحقون واحد ينعل والديكم عليهة ياسفلة من الاغم الجبير سليم وانت نازل لأصغر نائب ناقص ونائبة كانت دلالة.
الكهرباء صار ألكم من 2003 ولحد الان تكولون ماكو ميزانية وماكو مخصصات حتى نسويهة وبعدهة مثل النشرة تطفى وتشتعل, الشوارع تمطر الدنيا تغرك ويموع الاسفلت الشباب الخريجين يشتغلون حمالين المريض يموت وميلكى علاج, العراقيين نصهم بالخارج والنص الثاني مات من الفقر والجوع, زين تبوكون بوكوا سم ومرض ببطونكم وزهر مر ان شاء الله, بس مو تجون تدوسون عل الفقير
9 مليارات علمود حفاظات النائبات الخوانم, شتسون بيهن بس انتو حفاظاتكم ماركة زين متستحتون تشترون هل الاشياء بالبرلمان, زين اشتريتو ب9 مليارات هل الكمية تكفي للنسوان بالعالم كلة مو بس للناهبات, عيني انتو الناهبات الموقرات من تجيكم( ال….) لداومون كعدوا بالبيت والنواب الي يلعبون لعبة اللغز بالموبايل بنهاية قاعة المجلس راح يرفعون اديهم نيابة عنكم ويمشي المشروع وتنعلون ابو المواطن مثل مسويتو بشغلة الكهرباء, وبعدين يرجعون يكملون النواب الكرام يكملون الكيم مال اللعبة.
انتو عيني نواب الممثل السني ووزملائكم نواب الممثل الشيعي والاكراد والتركمان وكل المكونات شنو متدرون نايمين على اذانكم قشامر طراطير كاعدين بالمجلس, لعد الناس المن انتخبتكم لو تاخذون قسم من الكمية تودون (…) ويكولك واحد ليش يحجي
زين انت عمو سليم مو رئيس الغمان بالبرلمان متعرف المن هل المبلغ وانتو عدكم كم مكموعة بالبرلمان واغلبهم كبار بالعمر يعني شيسوون بهل الكم الهائل من الحفاظات زين برلمان الحفاظات اذا نريد نحسبهة حتى لومشترين بمليار هم توزعون من هل الكمية على دول الجوار, وليش هل الاسعار الخيالية هل النائبات اشترطوا عليكم حفاظات تصميم خاص مثلا من دار شانيل لو تصميم ايلي صعب لو نيكولا جبران بس حتى نفتهم.
هسة عرفنا ليش اكو تقشف, وماكو سلاح بالبلد وماكو تعيينات وماكو حصة تموينية كاملة والاهم من هذا الشي عرفنا وزير الكهرباء المن يريد الفلوس ..عمي حقكم اذا بس النائبات يشترون ب9 مليارات منين تجبيون حقك وزير الكهرباء محد يلومك..
مو صوجكم والله صوج الي انتخبوكم وضحكتوا عليهم وانطوكم اصواتهم لان انتو ناس بواكة ما عليكم عليكم.. بس العتب عل الي وصلكم لهل المكان هذا وسواكم بشر ياحثالة.