المزرب لايزرب

طبعا كبت الريحة ’’كالعادة ’’كلما جبنه طاري السستاني ’’اللي صارله اكثر من خمصطعش سنة ’’يثرم بصل وفلافل وثوم مصري براس القشامر والزواج ’’وتاجه الماينشاف ’’على راسهم ’’من فوك ’’ومن جوه ’’
لا تحاربون ’’الامريكان’’
ما حاربنه’’
صوتوا على الدستور’’
صوتنا’’’
انتخبوا 555’’’
انتخبنا’’’
المزرب ’’
لايزرب ’’
زربنا’’’

هسه الجماعة هم صاروا انغل منه ’’وشاركوا بالانتخابات ’’بمسميات وعناوين جديدة ’’’حتى ما تنطبق عليهم نظرية ابو السيس الزربية “المزرب لايزرب “’’
وفي يوم وليلة ’’تحول المجلس الاعلى ’’الى تيار الحكمة ’’ولم الجكمة والبكمة ’’
وتحولت كتلة الاحرار’’الى كتلة سائرون ’’التي ضمت الملحدون والمسلمون والعربنجيون والعركجيون ’’
فيما تحولت دولة القانون ’’الى بشائر ’’التي تبيع بسوك النهضة ’’حب وعلج وجكاير ’’’
فيما تحول الشيوعيون ’’الى تمدن ’’ومدني’’ومدنية ’’ومدن ’’وتمدد ’’
وهكذا ’’تكون هذه القوائم ’’غير مجربة ’’وغير ’’مزربة ’’وبالتالي يحق للمواطن ’’الماكل طين ’’ورزايل ,,ان ينتخب تلك القوائم الجديدة ’’الغير المجربة ’’والغير ’’مزربة ’’على راس عطيوي ’’’
وطاح حظج فيفي عبده ’’’