الديمقراطية الخاصة

الحكم في العراق ديمقراطي، وما رأيناه في مجلس النواب، وجه من الديمقراطية، هؤلاء كل هؤلاء حكام شرعيون،يعكسون تماما إرادة ومزاج الناخب أو “المواطن” ..لأن لفظة المواطن تعني تماما المنتمي للمجتمع الديمقراطي ..
والمواطن ينتخب نفسه مزاجه صفاته مصلحته بمستوى فهمه لهذه الصفات
ولان امزجة وصفات ومصالح أفراد المجتمع متباينة فإن الحكام الممثلون سيكونون مختلفون. ..
المجتمع والبرلمان واحد يشبه اللاخ بنسبة وتناسب بالضبط بحسب التمثيل
يعني اشكد اكو هتلية وحرامية وكواويد ونصابين وسلابين ومجرمين أو خوش ناس ….لهم من يمثلهم. .
زين نسأل شكد اكو بالمجتمع منحرفين؟
وأشكد اكو خوش ناس؟
بالتالي يطلع وجه المجتمع بالبرلمان
وبعدين الحكومة والأجهزة الأخرى
زين المجتمع يحتاجله رابط او قوة تسيطر على أفراده المختلفين يعني لازم اكو قانون ولازم اكو سلطة ولازم اكو قوة تفرض القانون بواسطة السلطة. .
ومن ياخذ أكبر مساحة من السلطة يكدر يفرض إرادته وبعدين يحقق إرادة من يمثله. .ولأن الناس تحتاج إلى الإيمان بقوة السلطة على رجال السلطة أن يستدعوا ما يقوي إيمان الناس بهم. .وعليه فإنهم يبحثون عما يقنع الناس. .وما يقنع الناس هو الانتماءات أولا وخصوصا في مجتمع ساكن غير متحرك ثروته ريعية من مصدر واحد..يعني علينا أن نبدأ أولا بالعشيرة وبعدين المذهب وبعدين الدين ..وقوة هاي الانتماءات تعتمد على الشيوخ وقادة القبائل العائلية ورجال الدين أو رجال الطوائف والنصوص المقدسة. ..بهيج حالة على رجال السلطة أن يتبعوا مضطرين هذه المسالك. .بس هنا اكو مشكلة. ..هاي الأمور تتناقض مع قوانين الديمقراطية لأن هاي الانتماءات لا تحتاج إلى القوانين العامة لأن عدها قوانينها ..وماكو أي مجال إلا اتباعها. .وبهذا نكون أمام برلمان يضم ممثلين لمجتمع مكون من جماعات لا تعرف القانون المدني ولها اعرافها وسناينها وفتاواها
ومن تريد حق تأخذه بيدها. .
البرلمان ممثل للصراع الدائر بين الاطراف
ولان اكو صراع لازم اكو سلاح وفلوس ورجال
إذن كل جماعة في البرلمان عدها سلاح وفلوس ورجال ومناطق نفوذ
طبعا الرجال موجودين. ..هاي هواية شباب وزلم
زين الفلوس شلون؟هم سهلة. ..مناصب ووظائف وحصص وصفقات
والسلاح؟ هاي شوية صعبة بصراحة يحتاجلها اتصالات خارجية
اشكد عدنا مسلحين بالبلد؟ ؟
خير من الله. .فرق وجماعات وتشكيلات
ها برأيكم تفض؟
أي أعتقد تفض. ..
بس تخلص الحرب الإيرانية السعودية تفض