الخماهو والعاطلين عن العمل

ها جبار ابو العرك ’’’شلونك ,,مرتاح على الدجاج ’’واللحم والباسطرمة ’’
والله بشرفك وانت صمام الامان وحامي العرض والارض ’’ما فد يوم فكرت بذوله العاطلين عن العمل المسجلين في شبكة الحماية الاجتماعية ’’واللي كل شهرين يستلمون راتب 300دينار عدا ونقدا ’’وبس’’مع العلم ان غالبيتهم من الخريجين وحملة الشهادات الاكاديمية ’’يعني فد يوم خلي هذا صاحبك ابن رضية المدعو عبد الكهربائي ’’ينبح نبحة زينة من على منبر الجمعة ’’ويوجه رسالة الى معالي الوزير العالي المتعالي من دولة الفافون والزيزفون المدعو محمد شياع السوداني ’’سود الله وجهه في الدين والدنيا ’’يوصي بيها على ذولة اليتامى من العاطلين ’’بلكت يزود رواتبهم ’’او بلكت قطعة ارض ’’او وحدة سكنية ’’او سلفة ام العشر ملايين ’’حالهم حال الموظفين اللي يداومون بدوائر الدولة ’’باعتبارهم عراقيين من ابناء بلاد ما بين القهرين ’’والهم حصة بالنفط ’’’ومن حقهم يعيشون عيشة سعيدة ’’وخالتك قندرتها جديدة ’’’

زين بشرفك يصير تتبرع بفلوسنه لملالي طهران ’’واحنه كاتلنه الضيم والقهر ’’’منا ايران تدزلنه مخدرات ’’ومنا تركيا كل يوم تفوت بطيازتنه الشمالية لمسافة 20او 40كيلو متر بذريعة مقاتلة حزب العمال الكردستاني ’’

زين انته مو صمام الامان ’’ليش لعد ما مهتم بالعاطلين عن العمل ’’’لو هذولي ما ينطوك خمس ودبس ’’يابو البك والحرمس’’’

وطاح حظك الخماهو ’’اللي ما كدر يفسر حلم الملك ’’’’ويريد يحمي الارض والعرض’’’