الخارج مجرب

اتذكر بالبصرة… جانت باصات خشب.. عدد قليل… ومعروفين سواقها… فد سايق منهم اسمه “كنو”.. Ganow
كان مخمور دائما..ويعمل حوادث… فد يوم ضرب اثنين… واحد مات والثاني انجرح… وظل يتالم ويصرخ…
اقترب منه السايق كنو وكال..
لك ابن ال… اسكت… صاحبك مات وما فك حلكه… وانت بعدك عدل وخبصتنه..
اليوم.. شغلتنه هم هيج…
السفارات اللي صار 15 سنة تدير العراق..وسلطت علينه اتباعهم الجهلة والحرامية…ودمرت العراق.. ما تريد العراقيين يفكون حلكهم.. لو يشوفون جارة لبلدهم..
وللعطار اللي يريد اليوم ان يفرض نفوذه بالعراق نقول.
اولا. انت مجرب وفشلت.. والمجرب لا يجرب
ثانيا. اذا كنت تفكر ان تفرض نفوذك بالعراق.. كان يفترض بك ان تقدم شيء للعراق وشعبه.. لكنك فشلت. ويكفي انكم سلطتم علينا محتال العصر لثمان سنوات عجاف.. دفعنا ضريبة من الدم والمال بسبب اتفاقكم الخارجي.
ثالثا. انت ساذج وفاشل.. لانك اتخذت من السذج والفاشلين ادوات لمشروعك في العراق..
رابعا. الشعب العراقي لا يثق بكم.. ويرى انكم سبب الحروب والفساد والفقر الذي نعانينه..
خامسا. اليوم العراق فيه مشروع وطني وقيادة وزعيم.. واكو ثقة وتفاهم بين السيد مقتدى السيد محمد الصدر… مع بقية العراقيين الوطنيين…
سادسا. ملحتكم مكروطة….?
واذا كانت نتيجة الانتخابات قد ازعجتكم… اعلموا ان الشارع العراق يفور بغضا لكم.. ولم تهدئه الا نتيجة الانتخابات الاخيرة.. والأمل بتشكيل حكومة وحدة وطنية.. تنقذ العراق منكم واتباعكم…
وللحديث بقيمة..