الاقتراح الراقي لشلش العراقي

حلو الاقتراح مال شلش العراقي، هذا ( الشويّب ) والله عنده خوش سوالف.
ولو احنا عدنه ناس ما يعرفون شنو يريدون، لذلك من تطرح عليهم فكره يصير همهم الوحيد هو : تفليشها !
إقتراح شلش موجود بصفحته بالفيسبوك، وعجبتني بيه فكرة ( بنگ الأصوات ) : نجمّع أصواتنه إحنه ( المتذمرين ) ونحطها بصفحة على الفيسبوك مثلا، ونتفق بيناتنه – بطريقة متفق عليها باستفتاء فيسبوكي مثلا – المن ننطيها.
عدنه فتره طويله مناه للانتخابات الوطنيه بال ٢٠١٤، نگدر خلالها ( نبلور ) هاي الفكره الشلشيه ونعدل بيها حتى تكون فكرتنا جميعا كمساهمين في بنك الأصوات ( إزا بتريدوا ).
اللي عنده ( إحتفاظات ) على هاي الفكرة خل يقترح علينه فكره أفضل وأكثر واقعية وإلا ( فليصمت الى الأبد ).
في أمان الله