احنا الي اسسنا الملعب واحنا النلعب بيه

دبي مدينة مختلفة عن باقي المدن العربية كلها ،
مو لان جميلة بس
ولا لان نظيفة بس ،،
الموضوع شوية اكبر من المظاهر الي تعتبر ضرورية ومن اولويات تصنيف المدن ،،
الملفت للنظر في هذي المدينة هو تعدد الجناسي للناس ،، الافريقي على الهندي ،، الفلبيني عاى الاسباني ،،،
حتى لما اشوف ناس بالصدفة انكون بنفس المكان و احاول اجاذب وياهم اطراف الحديث ،، ابقا ساكتة الى ان احد منهم يگول كلمة ،، اذا طلعت الكلمة عربية ،، اگوم اغرد وياهم
بس اذا رطنوا بلغة غريبة عجيبة ادير وجهي عنهم ،،
الي استغربله ،،
هذا التعايش من اهل البلد ويا هل الملل الكومة ،،
لا احد تضايق ،، لا احد اذمر ،، لا احد اشتكى وكال ،، ( احنا الاسسنا الملعب واحنا النلعب بي ) ،،
مع انهم اسسوا الملعب وخلوا الكل تلعب وياهم بي ،،
اذكر من جانوا عدنا كم ملة بالعراق ،، مصريين ( فلح ) ومغاربة ( اداريين في النوادي الراقية ) ( فلسطينين للدراسة ) ،،
وشلون كدرنا نميزهم عنا ونخليهم بزاويا بعيدة وانطبق عليهم قواعد قريش كلها ،،
لا يتزوجون منا ،، ولا نتزوج منهم
لا ياكلون معنا ،، ولا نشرب معهم
لا ياخذون منا ،، ولا نستفاد منهم
واحنا الاسسنا الملعب وبقينا وحدنا نلعب بي ،،