إرفع حواجبك لما تعوز تعترض
فرق ابتساماتك
علي معشر المهمومين
وخد بأيديهم لأول سلمه
العمر مش بعزقه
مكتوب علينا الشقا
بحكم الجينات
وحكم القضيه
إعمل كأنك فاهم
وإعمل عبيط اوقات
قضيها إفتكاسات
وإشرب كاسات
الي فات
وخلي مالذكريات
حدوته
تقولها لولادك
وتحبها في العلن
المعركه عالقارب
يا تفريعات التجارب
وياقلب غاوي الفن
ما تسيبش حد اتجن
وتصبح عاقل
زمن سريع ساخر
وهات من الاخر
بقصيدة متلخصه
بس العجيب في الأمر
انك مازلت بتحبها
وفي حضنها تقدر
تلاقي الكلام
هي الحقيقه الوحيده
وبرهان الطلب
تحبها وقت الاشئ
و
وقت الغضب
