هاي مو عيشه كل يوم هزي تمر يا نخله .. ولكم والتالي أنريد نعرف نتيجة عمايلكم فضوها وكل واحد يكعد بكتر.. وأنت يا نوري المالكي مو كل يوم أتهدد وترعد لو تبرطها لو تسكت وتخلص هاي السبع تشهر وروحه بلا رجعه ..ولكم والله طكت روحنه من سوالفكم .. أنعل أبو الخير اللي بيكم ..ليش متحجي أذا عندك أثباتات وحجه على اللي سرق ونهب وكتل وسفك الدم العراقي.. لازم تفضحهم.. طز بالعمليه السياسيه .. وطز بالعراقيين ..وكلشي أدكول غير ذلك أنسميه تبرير وماكو داعي تخفي القتله واللي نهبو الاموال العامه وأذا تسكت لعد أنت واحد منهم وتخاف أيفضحوك..وحين سكت أهل الحق عن الباطل توهم أهل الباطل أنهم على حق .. أنت أذا ما تكدر على المسؤوليه شكو كتلت نفسك ودكيت رجلك ألا أصير ريس الوزراء.. ليش هيه لعبه يا أبو سراوي..أنت وين ورئاسة الوزراء وين.. أكثر شي عليك معلم مدرسه..شجابك يا حفيد أبو المحاسن..هاي اللعبه وراها كتل ومكتول..
جماعة العراقيه أيطالبوك تحضر للبرلمان وتكشف البعوره اللي شاركت ودفعت حتى تقتل العراقيين.. وجماعة التحالف الوطني أيكولون أذا أبو سراوي عنده دلائل وحجج على القتله وسراق المال العام خلي يكشفهم تحت قبة البرلمان.. والكورد كلهم أيريدون من المالكي أعلان الاسماء اللي سببت الدمار للعراقيين.. شكو بعد..كل هاي الاحزاب اللي تشارك وياك بالحكم أطالبك بكشف الاسماء وكدام الشعب حتى متبقى حجه.. وأذا أدكول أكو جوانب فنيه وأمنيه ما لازم أحد يطلع عليها..أي يا أبو سراوي هو أكو شي بقى غامض كلها تعرف بس الشعب العراقي أطرش بالزفه..
وضح أبو سراوي ليش هسه ماكو أنفجارات ولا قتل بالكواتم مثل الفتره السابقه.. أشو نفس القيادات الامنيه الجايفه ونفس كنبر والموسوي ونفس السيطرات..شنو اللي صار وشنو العراقيين ميعرفوه.. منو من السفله اللي يستخدم السيارات الحكوميه والباجات وتذبح الشعب المعفن ..منو يعبر السيطرات وأجهزة الكشف عن المطايه وهو يحمل العبوات وكواتم الصوت بسيارته وبسيارات حمايته.. منو الجهات اللي شاركت في ذبح العراقيين ومنو القيادات اللي كاعده تحت خيمه الشعب وهي واكعه هبد بالعراقيين الجبناء..ماكو فرصه غير هسه..خلي يطلع الشعب الاثول.. خلي يسمع ويشوف اللي أنتخبهم هم شله من القتله والمجرمين والكواويد اللي رضو وأقتنعو وتأمرو على هذا الشعب اللي بس أيفر بذانه.. والساكت عن الحق شيطان أخرس..
أحجي للشعب كلشي ولا تردد.. مو تنطي بس راسه وتخلينه نتفركع.. لو طببه كله لو تخليك واكف.. والله لعبتو نفسنه..يوميه جاكم الذيب جاكم الواوي.. خلينه نعرف من الذيب ومنو الواوي..بلد صار كله ذيابه..وكلها من وراك يا أبو سراوي..لان أنت شخصيه ضعيفه جدا..وكاعد تتخبط .. لا سياسه بيها خير.. ومستشارين أغبياء بس أيعرفون شكد صار سعر صرف الدولار وشلون قصر أشتريت .. أعضاء قائمتك كواويد بمعنى الكلمه أيبثون روح الطائفيه كضوها سفرات وبدلات جديده وصارو مقاولين من الشابندر الى الشحماني الى الفتلاوي وحتى الرفيق علي الشلاه صار يعرف وين يكدر يستثمر في لبنان لو سويسرا.. ولا منهاج عندك تمشي عليه.. أدير حكومه بالفوضى..تعال أنت هنا وروح أنت هناك ..وبينك وبين نفسك أدكول بلكي هاي الدالغه تنجح..مو هيجي أبو سراوي.. أدارة العراق مو هاي اللي وهاي ألك..ولا هيه أستخاره بالقرأن على سفره لو زواج.. أنت ضيعتنه وضيعت العراق وسلمته مو بس أيران لا يا أبو سراوي..هذا البلد صار في مهب الريح..
وما خفي كان أعظم
