23 مايو، 2024 7:12 ص
Search
Close this search box.

شفنه وعشنه وبعد نشوف

Facebook
Twitter
LinkedIn

شفنه وعشنه وبعد نشوف قرينه الممحي والمكشوف ماضل شي مامعروف عيش وشوف ( رحم الله المنلوجست عزيز علي ) شفنه ابو عمامة لابس بدله عسكرية وبدل البيرية ( عمامة ) طالعلك عبالك (حجي مينام ) هذا اللي كنا نلعب بيه واحنه صغار شفنه برمائي اقصد برلماني مسوي لحيته خريطه تشبه خريطة العراق والاخر تشبه خريطة ايران والاخر عبالك من جماعة طلبان شفنه وحده يهودية مسويه نفسها علوية وبرلمانيه شفنه دجاجه صايره ديج بس تعوعي وشفنه ديج صاير دجاجه من كثر الكوا…ة شفنا شفاطه نفط بشرية تشفط اسرع من الشفاطة الاوتماتيكية شفنه مزدوجي الجنسية عبالك من كانوا بالخارج داخلين دورات شلون يصيرون حرامية شفنه واحد ما عنده شهادة ابتدائية صار خريج كلية وشفنه اقزام صاروا عماليق ولسانهم اطول من متر وشويه شفنه ناس ماشبعانين من الفلافل صاروا ميتعشون الا خروف مشوي ابو الليه شفنه نص انعال صاير قندره كلوصية وقادة عساكر صاروّ جريديه شفنه سياسيين الصدفة كلهم ارخداشية شفنه شيوخ من تمحى قرى وممتلكات العشيرة الثانية يرقص بجفيه شفنه بعورة صاروا افنديه شفنه وطنية هلوكت يفتخربالماسونية والعمالة الاجنبية شفنه رئيس جمهورية يستقبل رئيس عصابة مليشاوية وعميلة لدولة اجنبية وشفنه عفطي صاير قبضاي يهدد الحكومة المركزية لازم تزوده بالسلاح والاموال الضرورية شفنه خري.. تخاف منهم القوات العسكرية والامنية شفنه ارانب صارت هلوكت سباع وضواري تفترس ابناء الشعب بكل حرية ..شفنه سارق قنينة غاز يحكموه 15 سنه وسارق البلد يهوسوله بجفيه شفنا وزير خارجية يصف حكومة اللصوص بالحكومة الملائكية شفنا الاف الخريجين مامحصلين وظيفة يعيشيون منها والاف مؤلفة من اصحاب الوظائف الفضائية شفنا وزير نقل عايش قبل خمسة الاف سنه وشايف مطار الناصرية تنزل بيه مركبات فضائية شفنا البنك المركزي حامي اموال الشعب في كل بلدان العالم بس عندنا يسهل نقل اموال الحرامية من خلال مزاد العملة اليومية وشفنا وشفنا وبعد نشوف ماضل شي ما معروف عيش وشوف

مقالات اخري للكاتب

أخر الاخبار

كتابات الثقافية

عطر الكتب