20 مايو، 2024 12:01 م
Search
Close this search box.

خطاب الاب

Facebook
Twitter
LinkedIn

“خرررط”… هذه اجابة سماحة الزعيم العراقي على استفتاء ورد اليه من احد اتباعه .. او احد السائلين…
اجابة غريبة وعجيبة… تدوخ..
اللي قافل.. يمكن ان يبررها.. او يفهمها…
والمحايد.. يفترض به ان يفكر..
واخر… ممكن يهز ئ..
وهنا ممكن نذكر عدد من الملاحظات.
الملاحظة رقم 1.
المفكر حسن علوي… وهو مفكر حقا… لانه يمنطق الامور.. ويعصرها… ويفطن على شغلات حلوووة.
المهم… العلوي.. هواي ارتاح لكلمة “خرط”.. ليش..؟
يكول العلوي… ما معناه..
حجاية السيد بيها صدق…
سيد مقتدى شاف السؤال فارغ.. والكلام لغو…
جاوب وكال خرط.
طبعا.. كلام العلوي اثار تفكيري فعلا.
ملاحظة.
خرط كلمة فصحى…بمعني قشر.. وبالعامية يعني لغو..
………….
الملاحظة رقم 2.
القصد من هذه السطور ان اناقش قضية الخطاب الديني.. وهي قضية خطيرة وحساسة.. لذلك احاول ان اقدم لها. لذلك اخذت هذا المثال.. الذي تميز به الخطاب الصدري.. ونحن نتذكر كلمات شهيدنا الصدر (رض) وكلماته..
اكل كركري احسلك…
نشيلك ونخليك بالزباله…
بزر جكليت…
اسكت. الله يدري لو ما يدري…
وغيرها…
لماذا يستخدم الصدر هذه الكلمات..؟!
الملاحظة رقم 3.
الشهيد السيد محمد باقر الصدر… شنو مؤلفاته وليش..؟
حبيبي… اكو مشكلة… واكو صاحب مشكلة.. لازم تساعده وتحل مشكلته…
مو اكتب واتفلسف حتى احل مشاكلي..
فلسفتنا واقتصادنا هي حل لمشكلة النخبة.. في ذلك الوقت…
الرجل حط ايده على الجرح… اقصد المشكلة الفكرية والثقافية في ذلك الوقت.. في السبعينات…
بينما..
في التسعينات… في العراق.. المشكلة تختلف..
كانت المشكلة عند عامة الناس…
لذلك.. السيد محمد الصدر (رض) ما ضل يكتب كتب.. لا.. وكف.. لبس الجفن ونزل يحجي مع الحماميل.. وكالوا عليه “مرجع الحماميل”
قالوا عليه.. كما قال اسلافهم..

وَقَالُوا مَالِ هَٰذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ ۙ لَوْلَا أُنزِلَ إِلَيْهِ مَلَكٌ فَيَكُونَ مَعَهُ نَذِيرًا (الفرقان7)
……
ثم قالوا ان الصدر مجنون…

قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ (الشعراء27)
……….
الملاحظة رقم 4.
ليش اعقد الموضوع على الناس البسيطة.. واحجي بالمصطلحات.. ليش؟؟
لان اعرف نفسي ما افتهم.. وهاي فرصة اخدع المقابل.. واثبت له انه هو ما يكدر يفهمني…
وبالمناسبة.. اصحاب المصطلحات ما يندكون باهل الفكر والثقافة… شفت واحد منهم ناقش الماركسيين…؟
الملاحظة رقم5
هذا الكلام لتوضيح اهمية تجديد الخطاب الديني… ليكون مواكبا لاحتياجات الواقع ومن يحتاجه..
لذلك.. الزعيم العراقي… يحجي مباشر.. وبلغة بسيطة.. لان متاكد من نفسه… ويباوع لمشكلة المقابل…
ويريد يحل مشكلة المقابل… مو يستثمر المقابل لاجل اثبات اعلميته…
والناس اخذت زبدة من كلام الصدر.. وانحلت مشكلة هواي ناس.. لذلك يحبوه..
شوف (…..) وغيره.. شكد يحجي.. وكل شي ما تحصل من نتيجة…
……….
ملاحظة رقم 6
قبل ايام.. كان مؤتمر صحفي مع الصدر..
طول اللقاء 3 دقائق ونصف.. تكلم الصدر اقل من دقيقة… وافتهمنه القصة وبدقة… بينما تكلم ضيفه باقي الوقت ولم نحصل على زبدة..
حسب فهمي. ان الخطاب الصدري هو خطاب الاب… الذي يخاطب المقابل لاجل افهامه وحل مشاكله… مع مراعاة الظروف الموضوعية … مع حسجة…
المهم…
بس ردت اكول… الخطاب الصدري هو تجديد للخطاب الديني…?

مقالات اخري للكاتب

أخر الاخبار

كتابات الثقافية

عطر الكتب