عدد القراءات : 625
تقارير
آراؤهم

والله لو بيدي لا ازينك صفر لو بالمكلوب

الجمعة، 17 شباط، 2017

سليم الجبوري يحلق راسه في عمان ب100 دولار ..
وبقشيش الصانع 20 دولار ..
نقلا عن صديق موثوق به وشاهد عيان آخر ..
ان رئيس البرلمان العراقي الاسلاموي سليم الجبوري يحلق راسه مرتين بالشهر بعمان..
حقه مو بيته هناك مثل بيوت الكثير من النواب ولو اجمعهم ووياهم نواب نكسة القوى العراقية ..
والله اكدر اعمل جلسة كاملة النصاب مع النصابات ..في احد فنادق عمان ..
طبعا مع الزلاطات والمقبلات...و..
بس هسة خايفين مثل روحاني لايبهَ روحهم لا يطلع الصباح علي الحرامية ..
و بأضوية الراجعين من سواد 14 سنة مظلمة..
يبحثون عن تسوية في مقاهي الكاردن والصويفية تحفظ لهم ما تبقى من ماء وجوههم امام تسوية عمار الحكيم التصفوية ..وهو ايضا مثل غيره من واوية الساسة العراقية .
كاعد يفتر ويجمع الدعم لقواه المنهارة امام حادلة ابو تراب الجاية على طريق التسوية الترابية .. خلينة من هذا الماي الحار وارجع للشفية صاحبنه ابو القوانين والتشريعات اللاوطنية .. 
وارميه بسهم وجع عراقي واكوله بهكذا حلاقتين بالشهر..ما تخاف الله يااسلامي..
ويا ظالم وبهكذا مبلغ تدفعه للمزين الاردني ولصانعه من جلد الشعب العراقي ..
اتريد اتكول آني حاتم الطائي الجبوري.. يا شفية..
هذا المبلغ يعادل راتب عراقية من اهل الرعاية الاجتماعية مظلومه بعدما ارجعتمونا الى اسفل سلم الفقر العالمي..اليس كان المفروض ان تحلق صماخك عند حلاق الملوك او حلاق نوري السعيد ببغداد مثلا...
.حتى يثرثر براسك ويُسمعك اين كانوا واين انتهوا وكم كانوا عظماء وانتم الاذلاء .. 

هذه فقط حلاقة وجهه ونفخ خدود  وغيره يفعلها الكثيرين في عمان ولا استثني منهم احدا حتى المطلك شوفوه اشلون وجهه امتفخ....فما بالكم بمايهب  ما لايعطيه من جيبه لعراقي فقد الامل في الاصلاح من عديمي الاصلاح والحيا الحضوري ..واويلي عليك حلاقنا وانت يا حلاق اشبيلية وحلاق السيادة العراقي..
اللي راح يزينكم بالمقلوب وعود هم ادفع بقشيش ..
ونعيما يا ابو الريش ...!! 
 كاتب من العراق

.
تعليقات الفيسبوك
تنويه لابد منه : ايمانا بشعارها ( الضمير رقيب الكاتب ) " كتابات " غير مسؤولة عن محتوى تعليقات الفيسبوك المنشورة في موقعها .. ولا تعبر بالضرورة عن رأي إدارتها ويتحمل كٌتَاب التعليقات المسؤولية الأخلاقية عن محتوى تعليقاتهم .

Designed by : Enana.com
enana
Programed by : Jasmineshost.com
JasminesHost
كتابات لاتتحمل أية مسؤولية عن المواد المنشورة , ويتحمل الكتاب كامل المسؤولية عن كتاباتهم التي تخالف القوانين أو تنتهك حقوق الملكية أو حقوق الآخرين أو أي طرف آخر.